Goggunarröð

Bók á leið á bókasafnið til Tobba í Turninum

Colin McGinn :The Mysterious Flame; Conscious Minds In A Material World (Basic Books 1999):“The problem is how any collection of cells… could generate a conscious being. The problem is in the raw materials. It looks as if, with consciousness, a new kind of reality has been injected into the universe….How can mere matter generate consciousness?…. If the brain is spatial, being a hunk of matter in space, how on earth could the mind arise from the brain?…This seems like a miracle, a rupture in the natural order.” (pp.13 and 115)

“One area of human enquiry constitutes an anomaly, a black spot into which the light of reason seems not able to penetrate; the subject we call ‘philosophy’….What we call ‘philosophy’ is a scientific problem that we are constitutionally unequipped to solve… The mind-body problem is the same kind of problem as the problems of physics and the other sciences; we just lack the conceptual equipment with which to solve it.” (p.212, Author’s emphases)

Get tæpast beðið eftir þessari bók. Hefur einhver hana undir höndum? Er reyndar búin að panta frá Amazon, en slíkur munaður er að verða sjaldgæfari atburður en jólin sjálf...

 

Svona er það

 Gegnumsýrður af heilögum innblæstri sem blóðmörskeppur í blásteinslegi, titrandi af hamstola lyftingu, vaggandi af ómþýðum englaröddum, er til mín hljóma gegnum gengishrun og öreigahróp vorrar vesölu jarðar, tvíhendi ég pennastöngina þér til dýrðar, þér til eilífrar dýrðar og vegsömunar, sáluhjálpar og syndakvittunar, hvar af þú ljómar og forklárast eins og sólbakaður saltfiskur frammi fyrir lambsins stól.
Svona skrifaði Þórbergur Þórðarson í Bréfi til Láru forðum daga.
Það er andleg upplyfting og sálarbót að blaða í Þórbergi eftir að hafa lokið við jafn snautlega, sálar - og blóðlausa bók og Dóttur myndasmiðsins eftir Kim Edwards.
Á bókarkápu er þessari bók lýst fjálglega og ekki sparaðar við hana stór orð og stjörnur. 
Sjaldan hef ég verið eins gersamlega ósammála nokkrum ummælum um eina bók.
Ég hefði gefið henni eina stjörnu - og þá bara fyrir þýðinguna!
Ja, margt er nú sinnið, skinnið og minnið.

Veitingar 1. maí

Gráfíkjukaka

250 g Gráfíkjur, saxaðar
100 ml Vatn
150 g Smjör / ólívuolía
150 g Hrásykur
2  Egg
300 g Heilhveiti
½ tsk Lyftiduft
½ tsk Matarsódi

Gráfíkjurnar settar í pott ásamt vatninu, suðan látin koma upp og þær látnar malla við hægan hita þar til vökvinn er nær allur gufaður upp. Látið kólna ögn. Smjör eða olía og hrásykur þeytt létt og ljóst og eggjunum þeytt saman við, öðru í senn. Þá er gráfíkjunum hrært saman við til skiptis við heilhveiti, lyftiduft og matarsóda. Sett í tvö form og bakað við 180°  í  20 mínútur. Botnana má leggja saman með smjör-rjómaosts-kremi eða bera þá fram sem tvær kökur, kremlausar.

Smjör-rjómaosts-krem:
400 g  Rjómaostur
1 dl  Smjör
3 dl Flórsykur
1 msk Mjólk
1 tsk Vanilludropar

Þeytið saman rjómaost og smjör. Bætið við sykri, mjólk og dropum og þeytið áfram í fáeinar mínútur. Smyrjið kreminu á milli kaldra botna eða ofan á kaldan, einn botn.

Staða á önd

 

........... vegna kosninganna.

Ég óttast að fólk almennt taki ekki nægilega upplýsta ákvörðun, heldur láti stjórnast af tilfinningum stundarinnar og einhverju einu atriði á málefnaskrá, án tillits til heildarsýnar.

Ég mun semsé standa á öndinni fram yfir laugardaginn.

 

Svona er það

The unattainable ideal

We ought to live
    each day as though
it were our last day
    here below.

But if I did, alas,
    I know
it would have killed me
    long ago.

(From Grook)

Eggið og hænan

    Fróðleiksmoli úr LV:

Eggið kom á undan hænunni. Svo mikið er alveg víst. Fyrstu eggin eða svipuð fyrirbæri hafa að líkindum orðið til með fyrstu fjölfrumungunum fyrir um milljarði ára. Fyrstu fuglseggjunum verptu svo fyrstu fuglarnir löngu síðar, eða fyrir svo sem 150 – 155 milljónum ára. En hænsnfuglar komu enn síðar fram. Líffræðingar eru reyndar ekki vissir en telja að þeir fyrstu hafi orðið til fyrir nálægt 70 milljónum ára, sem sagt skömmu áður en risaeðlurnar dóu út.
Jafnvel einföldustu núlifandi fjölfrumungar, sæsvampar, framleiða egg. Egg sæsvampa, skordýra og ánamaðka eru þó allt öðruvísi gerð en egg nútíma fugla, þar sem fósturhimna er til staðar. Fuglarnir hafa tekið egg sín í arf frá skriðdýrunum sem urðu fyrst til að verpa eggjum á þurru landi fyrir um 340 milljónum ára.
Þess vegna eru egg hænsna og allra annarra fugla með fósturhimnu.

Nekt

  "Torso" úr myndasafni Joan Myers.

Hver segir að mátulegt spik geti ekki verið fallegt frá ákveðnum sjónarhóli?

Daginn lengir

Óðum lengist dagur dýr

dýpkar himins blámi,

ljóðum fagnar hljómur hýr,

hverfur vetrar grámi.

Höfundur: Unnur Sólrún Bragadóttir