Afmæli prinessunnar

 

 

 

 

 

 

 

 

Ungfrú Vala Frostadóttir varð eins árs á dögunum. Hélt hún uppá daginn með því að blása á kerti, leika sér, hlæja mikið, segja nokkur vel valin orð, setja upp alls kyns svipi og leika á alls oddi. 

Þversögn

"One of the many reasons for the bewildering and tragic character of human existence is the fact that social organization is at once necessary and fatal. Men are forever creating such organizations for their own convenience and forever finding themselves the victims of their home-made monsters."

Aldous Huxley. 

 

 

Fagra veröld

Sólarlagið er stundum engu líkt. Og eiginlega alltaf.

Kaffið á Sólon gæti verið betra, en samt er alltaf gott að koma þangað. Inspírerandi.

Svalirnar á Bryggjunni eru engu líkar og þar er sólberjasaftin sæt og dægileg. Og kaffið klikkar aldrei.

Frjóar umræður geta skapast á svölunum. T.d. um gamla barnaleiki. 

Svo skreppur maður á Jómfrúna og hlustar á jazz og upplfir Reykjavík. Ohmmmm.

Sólarlagið er best - og blundurinn hennar Freydísar er vær.   

Til guðs frá Jóhannesi

 

 

 

 

 

 

komdu blessaður drottinn minn sæll og blessaður
og þakka þér fyrir gamalt og gott
nú er orðið langt síðan við höfum sézt
við höfum einhvern veginn farizt á mis

ég hef stundum verið að segja við sjálfan mig
guð minn guð minn hví hefur þú yfirgefið mig
það er skömm að því að hittast ekki oftar
eins og við vorum nú samrýmdir í gamla daga

þú varst alltaf svo skemmtilegur á jólunum
mikið varstu nú almáttugur og algóður
og mikið hefurðu nú gengizt fyrir síðan
ég held þú sért orðinn ennþá karlalegri en ég

er ekki voða erfitt að vera guð á svona tímum
hvað líður vísitölunni í himnaríki núna
tollir nokkur sála hjá þér þarna í sveitinni
fara ekki allir til fjandans í höfuðstaðinn

skaparðu nokkuð merkilegt nú orðið
hefurðu nokkurn stundlegan frið fyrir mönnunum
eru þeir ekki alltaf að hóta þér verkfalli
eru þeir ekki alltaf að biðja þig um stríð

nú erum við íslendingar hættir við byltinguna
við græddum svo mikið á síðasta stríði
heldurðu að þú gefir okkur nú ekki eitt enn
eða kannski þú sendir okkur nýjan frelsara

skelfing leiðist mér hvað þú ert á hraðri ferð
því gaman hefði verið að spjalla lengur við þig
jæja drottinn minn vertu ævinlega margblessaður
og feginn vildi ég eiga þig að

Jóhannes úr Kötlum

Zombies í helgarlok

Ég læt vera hvernig þessir gaurar koma fyrir svona í það heila tekið, en mikið frámunalega finnst mér alltaf pottþéttur sjarmi og óendanlegur þokki í þessu lagi.

Þetta er of ótrúlegt ....

 

 

Gleðilega helgi!

Maria og Banderas

 

Tveir jakkafataklæddir klassakallar ganga inná skuggsýnan bar um kvöld. Þeir eru öldungis prýðilega sexy séð aftan frá. Dásamleg músíkk, dularfullt andrúmsloft. Svo snúa þeir sér við. Þar með  er draumurinn búinn.  Ég var semsé að horfa á myndband með hinu fantagóða lagi „Beutiful Maria of My Soul“ þegar ég fattaði að Antonio Banderas von Chocolate, var auðvitað inklúderaður í málið.  Ætlaði reynar að  setja þetta  myndband inn, samt sem áður, en þá mátti það ekki. Set hér annað í staðinn.

Af hverju þarf þessi blessaður Banderas annars að eyðileggja allar útgáfur af þessu lagi? Þó  tekur steininn úr þegar hann fer að hnusa af hárinu á píunum. Þá slekk ég.  Þess vegna sé ég aldrei heila útgáfu af þessu lagi. Hlusta bara á tónhlöðuna. Byrjunin er samt falleg.

 

Sjösala valsinn hans Evert Taube

Ég fíla nú líka "vorkvöld í Reykjavík" í öllum séríslenskum útgáfum í botn.

 

Hávamál og Sigurrós

 

I. Geðspeki

·  Gáttir allar

áður gangi fram

um skoðast skyli,

um skyggnast skyli,

því að óvíst er að vita

hvar óvinir

sitja á fleti fyrir.

·  Gefendur heilir!

Gestur er inn kominn!

hvar skal sitja sjá?

Mjög er bráður

sá er á bröndum skal

síns um freista frama.

·  Elds er þörf

þeim er inn er kominn

og á kné kalinn.

Matar og voða

er manni þörf,

þeim er hefir um fjall farið.