Líf & mósaík

Líf & list

 

 

 

 

 

 

Takk þið öll, sem senduð blóm, kort, gjafir og góðar kveðjur út af fráfalli Ágústu okkar. Og þið sem komuð og drukkuð með okkur kaffi og gáfu faðmlag: taaaaakkkkk. Blómin liflðu lengi og enduðu í þurrkvinnslu sem stendur enn yfir, í þessum rituðum orðum. 

 

 

 

 

 

 

Við Freydís máluðum bæinn rauðan á Menningarnótt, en einungis milli kl. 15oo og 19oo, sem telst nú tæpast nótt. Trúar okkar gömlu stöðum, fórum við á Súfistann í Iðuhúsinu og nutum góðra veitinga. Vorum þó næsta niður-rigndar þegar við komum í hús, eins og reyndar allir aðrir borgarbúar, þ.e. þeir sem gleymdu sjógöllunum heima. 

 

 

 

 

 

 

Gamlar vinkonur komu til mín á föstudagskvöld og var það hin stórágætasta samkunda. Konurnar  sammála um ágæti eigin skoðana og hugmynda. Slíkt er alltaf til bóta.  Svona kraftur getur flutt fjöll. Hver veit nema Fjallaflutningur ehf komi út úr þessu hjá okkur.  Myndavélin fór á flakk og fannst ekki þegar átti að mynda hópinn. Hún fannst svo þegar gestir voru á bak og burt og ég tók bara mynd af leifunum ....

 

 

 

 

 

 

 

Nokkrar bloggvinkonur opnuðu málverkasýningu í Ráðhúsi Reykjavíkur í gær og var þar bæði fagnaðarfundur og mikil upplifun að sjá verk þeirra allra augliti til auglitis en ekki einungis á tölvuskjá. Mæli með þessari sýningu sem stendur til 14. september. Sýnendur eru m.a. Guðný Svava Strandberg (sjá mynd - ásamt Guðmundi fyrrum stórbloggara), Katrín Snæhólm og Zordís. Þessar þrjár konur hafa allar sína linka í bloggvinahóp mínum. Á síðunum má sjá þeirra stórkostlegu list. 

 

 

 

 

 

 

Dagurinn í dag endaði með því að við Unnur Sólrún von Eskifjörður endurskilgreindum heiminn og tilgang lífsins. Það er nauðsynlegt að gera það annað slagið til að ná áttum og vita hvert maður er að fara. Alveg óþarfi að fara eintómar vegaleysur. 

Lætur

Mér lætur ekki vel að gráta.

Mér lætur ekki vel að hata.

Mér lætur ekki vel að syngja einsöng.

Ekki af því að ég kunni ekki að

gráta,

hata,

syngja einsöng,

heldur af því að ég kann ekki við það.

Kanadaferð - þriðji hluti

1. Tengdamæðgurnar

2. Systkinin

3.-4. Familíurnar

5. Tertuskurður diskúteraður af ástúð

Kanadaferð - annar hluti

1.-2. Loks komum við til Enterprise, hvar búið var að dekka upp til brúðkaups í garðinum við fallega æskuheimilið hennar Thomasinu. Hellirigning varð síðan til þess að galleríið var flutt undir þak

3. Ekki var nú stressið, meðan beðið var brúðkaups, bara chillað á veröndinni

4. Brúðguminn uppáklæddur og skælbrosandi

5. Brúðurin snyrt af mágkonu sinni

6. Stundin rann upp, eins og aðrar stundir og Jason, vinur beggja, sagði nokkur vel valin orð til þeirra, þar eð þetta var ekki kirkjuleg athöfn

7. Við erum gift í annað sinn!

8. Brúðarvalsinn fórst parinu einkar vel úr höndum og fótum

9. Og svo hófst gleðin ... 

 

Kanadaferð - fyrsti hluti

1. Gífurlega fallegt var að sjá Grænland  úr flugvélinni til Toronto                                                                  
2. Jafnfallegt (næstum) var að horfa á feðginin góna á kassann á Hilton

3. Fyrir höndum var löng keysla frá Toronto til Ottawa

4. Hver stenzt amerísk/kanadíska carrot cake?

5. Loksins komum við á áfangastað og hittum Thomasinu, nýja fjölskyldumeðliminn, konuna hans Gauta - og urðum ekki fyrir vonbrigðum.  Það fyrsta sem við gerðum með henni var að vera á útskrift hennar úr Yoga-kennaraskóla. Þarna er hún, önnur frá vinstri

6. Systkinin, Gauti og Freydís, alltaf góð saman 

Gauti og Thomasina

Gauti Friðriksson og Thomasina Larkin giftu sig í annað sinn í Ontario, Kanada, 2. ágúst sl. Fyrsta brúðkaup þeirra átti sér stað 3. október 2007 í Tokyo. Nú er beðið eftir 3ja brúðkaupinu hér á Íslandi, svo allir vinir og vandamenn geti tekið þátt í lukkunni. 

Gauti og Thomasina hittust í Tokyo vorið 2007, þegar Thomasina bauð Gauta regnhlíf til afnota fyrir utan klúbb einn þar í bæ, í úrhellisrigningu um nótt. Hún er frá Kanada, hann borinn og barnsfæddur Íslendingur og þau fundu hvort annað í Japan. Það er því vel við hæfi að þau gifti sig í þremur heimsálfum, ekki satt?

Fleiri myndir síðar. 

 

Kaflaskil

Skrýtið er lífið og skrýtinnn er dauðinn. Um leið og litla kjarnafjölskyldan mín fagnaði saman í Kanada, berst frétt um að tengdamamma hafi farið yfir móðuna miklu. Það var óvænt og þungt, þrátt fyrir undangengin veikindi, sem allir héldu að væru á undanhaldi.

Alltaf er maður ósáttur við þessi umskipti, hvað svo sem klisjur um "að dauðinn sé eðlilegasti hluti lífsins" (hver er þá næsteðlilegasti...?), "allt taki enda, gott og vont" og að "nú hafi sá burtfarni fengið frið." Kannski er sá sem eftir verður mun ósáttari en sá sem í  burtu fer.

Ég hef einhverja innri vissu um að mín elsku tengadmamma sé sæl og ánægð, hvar sem hún er. Ég sé hana horfa brosandi á okkur í daglegu brasi okkar, gott ef ég heyri ekki fallega hláturinn hennar líka. 

     

Dirrindí

Og dýrðin heldur áfram.              

Í hitameti hausinn verður haffortí, daffortí, dúmm. 

Fótadekur og nudd glöddu fót og fót. Og kálfa.

Guðbergur Bergsson komplett í allri sinni dýrð á náttborðinu. Inní honum eru aðskiljanlegustu bókamerki. 

Á stofuborðinu er svo Moggi, Femina og Intelligence frá The Economist. Svo og Reykjavík 100+1

Undir geislanum er Tom Waits, hrífandi hrár.

Regnið bylur rúðum á. Nogg, nogg, nogg. Vekur værð.

Rökkvuð nóttin bíður. 

Á morgun er það sveitin, ekki milli sanda, heldur sunnan heiðar.  

                                                                                                                                                     

Vinnu-alki í sumarfríi

Alveg er unaður að vera í sumarfríi. Svona allavega þegar maður getur skilið við vinnufélagana, skrifborðið sitt og venjulega vinnurútínu. Það gengur misvel. Virðist ætla að ganga núna, allavega enn .... 

Sko, fríið er svona: 

1. Kaffi og kroísssssant í dagrenningu - eftir æfingar og hjól

2. Flíkur dagsins eru svo valdar gaumgæfilega eftir dekurbað

3. Sest í 10 - kaffi yfir tölvunni, Mogganum og fleira góðgæti

 

 

 

 

 

 

 

 

 

4. Ef útsynningurinn er í algleymi, er sest yfir bækur og heimsins andlega góðgæti

 

     

 

 

 

 

 

 

 

 

5. Ef góðviðrið ætlar allt að æra, þá er hugað að blómum 

 

 

 

 

 

 

 

 

 

 

6. Svo hallar degi og þá er það bara áframhaldandi bækur, kaffi, blóm, og svoleiðis ...

 

 

 

 

 

 

 

 

 

Hversu dásamlegt getur þetta eiginlega orðið?