Arna Guðný Valsdóttir

... vinkona mín, bróðurdóttir og sálufélagi, opnar sýningu í Kunstraum Wohnraum á sunnudag

ARNA VALSDÓTTIR 

BROT ÚR VERKUM 

21.09. - 14.12.2008 

Opnun sunnudaginn 21. september 2008, klukkan 11-13

Opið samkvæmt samkomulagi   

Hveta alla sem vettlingi, flugmiða eða hjólum geta valdið að halda til Akureyrar og sjá þessa sýningu. Það er enginn svikinn af frumlegum, innblásandi og skemmtilegum verkum Örnu.

Mæli með

 

 

 

Myndlistarsýning í Boganum, Gerðubergi, 12. september - 2. nóvember 2008

Guðný Svava Strandberg sýnir pennateikningar og vatnslitamyndir sem sumar hverjar eru unnar eftir minni. Pennateikningarnar vinnur hún blindandi. Eftir að horfa á eða hugsa sér viðfangsefnið teiknar hún það án þess að líta á blaðið fyrr en að verki loknu.

Guðný Svava hefur öflugt ljósmyndaminni og kemur það sér vel þegar hún rekst á athyglisvert myndefni. Vel flestar myndanna, á sýningunni eru því unnar á þann hátt að hún einblínir á fyrirmyndina með augunum, festir hana í minnið og kallar fram myndina með penna eða pensli þegar heim er komið.

Þetta er einkar athyglisverð sýning sem þess virði er að gera sér ferð á!

Unnur Sólrún

http://www.unnursolrun.com/VIRE.html

Hér gefur að líta slóð á heimasíðu Unnar Sólrúnar Bragadóttur lífskúnstners og skálds. Hún hefur gefið út ljóðabókina Kærleikskitl, - óbærileg lífshamingja. Þessi frábæra kona heldur útgáfuteiti í bókabúðinni Iðu, sunnudaginn 21. september 2008, milli kl. 17 og 19. Þar verður boðið uppá ljóðalestur, spjall og léttar veitingar.
Vonast til að sjá sem flesta bloggvini þar!

Helgarferðin

Ég fór í helgarferð í dag.

Labbaði heilan helling í rigningu og roki. Komst í hús og rúllaði mér í rúllustiga og gekk deild úr deild og frá sófa til sófa. Fékk mér svo að borða á restaurant.  Lax í afskaplega óráðinni sósu með mauksoðnum kartöflum og grænmeti sem líktist papriku og belgbaunum að ytra útliti. Kaffi og súkkulaðikrem með nokkrum kökukornum á eftir. Skoðaði svo enn meira og labbaði áfram, labb, labb, labb. Margt bar fyrir augu og m.a. fékk ég ódauðlegar hugmyndir um flokkun og geymslumöguleika á enn meira drasli. Fékk mér ís og pylsu. Beið við kassa og fór aftur út í rok og rigningu. Nema að það hafði stytt upp og regnbogi einn skæslegur og rígmontinn teygði sig yfir svæðið.

Helgarferðin var  í Ikea.

Vitrar, aldnar, smart hefðarkonur

Ég á vinkonu sem er 83ja ára.Hún er búsett erlendis og bloggar.Ekki á íslensku.Hún vill alls ekki að Íslendingar lesi bloggið sitt, nema þeir séu dedikeraðir vinir hennar. Og hún fer í gífurlegt manngreinaálit.  Þessi vinkona mín, sem heitir mdm X, segir líka eitt og annað sem hafandi er eftir en verður ekki kennt við hana. Hún hefur þó fallist á að það verði birt hér undir felunafninu mdm X. Það verður varla meira felu..

T.d. segir hún: Ef ég væri ekki svona andskoti löt, væri ég löngu búin að fá Nóbelinn.Svo segir hún líka:Menn og konur eru alveg eins. Allt kjaftæði um annað er kjaftæði. Konur fara bara á túr og þatsit. Mér finnst alltaf upp vera niður og niður vera upp. Og hægri vinstri og vinstri hægri. Ég skil ekki akkuru fólk gerir líf sitt svona flókið.nillingar? Ég veit ekki, ég hef aldrei lesið um slíkan, hvað þá þekkt.  Þó fannst mér Hafsteinn miðill ótrúleg svikamylla.  Ungdómurinn? Ja, fólk sem veit meira um Stephen King en Grím Thomsen, á náttúrulega bágt.

Það verður sagt meira frá mdm X á næstunni.

Get svo svarið það ....

Ein fimmtudagsfærsla

Ég bara skil ekki af hverju þessi vísa glymur í kollinum á mér:

 

Hávært tal er heimskra rök.
Hæst í tómu bylur,
oft er viss í sinni sök
sá er ekkert skilur

 

Ég sem var á ráðstefnu um "Positive Psychology" í dag og mun því fram halda á morgun.

Eitt ágætt ráð við kveðskaparþráhyggju:

1 dós nektarínur
1 flaska þurrt hvítvín
1 lítri sódavatn
250 g jarðaber
1 límóna
1/2 bolli fersk mynta
sítrónu-melissa eftir smekk
ísmolar

Blandað í háa könnu, hellt í há glös og síðan bergt á. Verða þá bergnumin geð guma og sprunda. 

 

Ostur

Disclosure of the century (or not)

Var klukkuð af velviljuðum vini mínum og verð því að ljóstra hér upp djúpstæðum og hættulegum leyndarmálum:

 

1.  Fjögur störf sem ég hef unnið um ævina:

Saltað síld á plani á Eskifirði

Þrifið hótelherbergi í Nyhavn í Kaupmannahöfn

Unnið í bókabúð Pöntunarfélags Eskifjarðar

Verið læknaritari á HNE-deild Borgarspítalans

 

2.  Fjórar bíómyndir sem ég held uppá:

Angela´s Ashes

Amelíe

Cinema Paradiso

Persona

 

3.  Fjórir staðir sem ég hef búið á:

Eskifjörður

Álftanes

Reykjavík

Denver, Colorado

 

4.  Fjórir staðir sem ég hef heimsótt í fríum:

Bandaríki Norður Ameríku

Spánn

Danmörk

Austurríki

 

5.  Fjórir sjónvarpsþættir sem mér líkar:

Nigella (R1)

My family (BBC Prime)

Út og suður (R1)

Globe Trekker (Travel Channel)

 

6.  Síður sem ég skoða daglega (fyrir utan bloggsíður):

mbl.is

denverpost.com

baggalutur.is

bbc.com

 

7.  Fernt matarkyns sem ég held uppá:

Spínatbaka með grænkálssalati

Steikt lambalifur með lauk og beikoni

Sítrónukryddað lamb með jógúrtengifersósu

Humar í félagsskap hvítlauks, siglandi í smjöri

 

8.  Fjórar bækur í mestu uppáhaldi:

Heimsljós

Sjálfstætt fólk

Bréf til Láru

Íslandsklukkan

 

9.  Fjórir staðir sem ég vildi helst vera á núna:

Flatey á Breiðafirði

Vancouver, Canada

Eskifjörður

Colorado

 

10.  Fjórir bloggarar sem ég klukka:

Katrín Snæhólm

Marta Helgadóttir

Zordís

Guðný Svava Strandberg

 

Höfnun

Jesús Kr. Jósepsson | [e-mail]

 

Ekkert skil ég í honum Pésa mínum. Nú er ég í þrígang búinn að reyna að adda honum sem vini – og alltaf dismissar hann mér. Furðulegur andskoti.

 

(Baggalutur.is)