Unaður

Góðra vina fundur

Á gamlársdag var haldið í góðra vinafagnað í Hafnarfirði og gat þar að hitta og líta ýmsa knáa kappa eins og má hér sjá:

Jólin

Mæðgurnar búa sig undir að bera jólamat á borð; búnar að skreyta með Mávastelli og silfri.

 

 

 

 

 

 

Jóladagsmorgunn var ljúfur.

 

 

 

Frænkurnar Bylgja, Kristrún, Melkorka, Þórdís og Freydís með afa í boðinu á annan.

 

 

 

Frænsystkinastóð á bryggjunni, Victor, Óli, Sverrir Gauti, Freydís, Húnni og Gummi. Það vantar Þorstein, Völu, Sólrúnu og Helgu. 

 

 

 

Djúpvitrar samræður Gauta og Örnu.

 

 

 

 

Jólin voru róleg og yndisleg, þrátt fyrir flenzu og líkamlega óáran bænda og búaliðs. Þess vegna fór einkadóttirin ein í árlegt jólaboð á 2. í jólnum til föðursystur sinnar, en sagði að sjaldan hefði verið eins gaman. Er enn að hugsa um minn þátt í þessum skemmtilegheitum, eða öllu heldur minn fjarveruþátt. Árlegur jólahittingur í minni fjölskyldu var svo á laugardag, milli jóla og nýárs. Mikið gaman eins og venjulega. Og það, þó ég væri viðstödd.  Áramótin voru róleg, en mikið stuð á bryggjunni að vanda og svo drifið í boð í næstu blokk eftir bryggjuskálar, flugelda og fögnuð.  Hámark áramótanna var þó auðvitað að heyra í afkvæmunum í fjarlægum heimshlutum.  

 

Lambakjötslyktin

Hún er lævís og lipur og smýgur allstaðar.

Límist við gluggatjöld, púða, blóm og teppi.  Lúrir í loftinu eins og njósnari í biðstöðu.

Gýs upp mörgum dögum eftir að lambalöppin / lambabakið hafa stiknað í ofninum og hafa þjónað tilgangi sínum í næringarnámi mannanna.

Ráð gegn þessu:  

1)  Tendra á engiferkertum (fást í Pier) vítt og breitt um húsið og láta loga meðan kveikur endist.  

2)  Sjóða kanilstöng í eplacider í svona 2 – 3 mínútur.

Láta svo líða mörg tungl, þar til lambaútlimum og líkamshlutum er stungið i ofn að nýju.

Þá hefur minningin um lyktina lævísu dofnað og unnt að endurtaka leikinn að nýju.

 

Gleðilegt nýtt ár!

Jólakveðjur til allra

 

Frábært aðventuboð í Fjallalind; jólagjafaferð á Laugarveginn; jólakaffi með Eddu og Erlu.......

 

 

 

 

 

 

 

 

 

 

 

Hux

Augljós líkindi með fellingamynstri heila mannsins og smáþarmafellingum sömu tegundar eru verulega verðugt umhugsunarefni. 

Alveg satt

Heyr himnasmiður

Þorkell Sigurbjörnsson/Kolbeinn Tumason

Heyr, himnasmiður,

hvers skáldið biður.

Komi mjúk til mín

miskunnin þín.

Því heit ég á þig,

þú hefur skaptan mig,

ég er þrællinn þinn,

þú ert Drottinn minn.

 

Guð, heit ég á þig,

að græðir mig,

minnst, mildingur, mín,

mest þurfum þín.

Ryð þú, röðla gramur,

ríklyndur og framur,

hölds hverri sorg

úr hjartaborg.