Indland í anda og bragðlaukum

Indverskt Dahl

½  bolli olía
2 laukar smátt skornir
6 hvitlauksrif pressuð
góður biti af ferskum engifer (3-4 cm)mjög smátt saxaður
2 tsk chilli flögur Byrjið m. eina tsk og sjáið til hversu sterkur réttur á að vera.
1 tsk turmerik
salt og pipar eftir smekk
300 gr rauðar linsur
1/2 dós af kókósmjólk

handfylli af ferskum kóriander

 

Laukurinn er steiktur í olíu ásamt kryddinu, hvítlauknum og engifernum. Baunirnar settar út í og hrært vel saman við. Kryddi og vatni bætt við. Vatnið á að fljóta yfir baunirnar.  Lækkið hitann og leyfið réttinum að malla í 30 mín. Smakkið til og saltið rétt áður en maturinn er borinn fram.

Best er að bæta ferskum kóriandernum saman við í restina.

Dalið er mjög gott með kókóshrísgrjónum og nan brauði, svo ekki sé nú talað um góðu rauðvíni.

 

Athugasemdir

[Hrönn Sigurðardóttir, 18.1.2009 kl. 11:28]

mmmmm hljómar eins og eldamennska frá gyðju.

[Steingerður Steinarsdóttir, 18.1.2009 kl. 13:26]

Maður fær bara vatn í munninn af að lesa þetta.

[Unnur Sólrún (IP-tala skráð) 18.1.2009 kl. 13:28]

Það er eitthvað ótrúlega aðlaðandi við þessa uppskrift.  Kannski hún verði prófuð í vikunni.

Vona að þú hafir það gott vinkona mín.

Þín Unnur

[Guðný Anna Arnþórsdóttir, 18.1.2009 kl. 16:48]

Já og vitiði stelpur, þetta er mjög ódýr uppskrift - og alveg meinholl! Prófið þetta endilega og þið verið háðar indversku bragði. Það er engu líkt.

[Heidi Strand, 19.1.2009 kl. 22:35]

mmmmmm

[www.zordis.com, 19.1.2009 kl. 22:51]

Girnilegt!

Ég fékk að gjöf matreiðslubókina Freistandi og framandi (minnir að hún heiti það) og er eftir Jasmine Olafson allskonar girnilegir réttir þar.

[Sólveig Hannesdóttir, 19.1.2009 kl. 23:46]

Ég vona að bankafakírinn hafi ekki verið frá Indlandi, þá fer nú að þrengjast hjá mér. Kaupi ekki breskar vörur, kaupi aðeins danskar, norskar og íslenskar, ef fakírinn er frá Indlandi þá verður það sett útí kuldann, hversu erfitt sem það verður. Maður verður að búa sér til prinsipp, allavega í einn dag.....................