Korselett og kvak

Sunnudagur, 16.11.2008

Lífstykki, andlegt fóður, líkamlegt fóður.

Þetta eru nauðsynjar til að komast hjá því að verða galinn af tilhugsun um gjörninga og einkavinavæðingu einkavæðingarnefndar á sínum tíma, regluleysið, eftirlitsleysið, seinaganginn, sofandaháttinn og eiginhagsmunapotið. Og svona ýmislegt annað.

Í tilefni af degi íslenskrar tungu langar mig mest að ulla á suma og þó nokkra aðra.

Geri það ekki - sökum afbragðs uppeldis og upplags, en skrifa í staðinn:

Bí, bí og blaka, álftirnar kvaka, ég læt sem ég sofi, en samt mun ég vaka.

Flokkur: Bloggar | Breytt s.d. kl. 23:50 | Facebook

Athugasemdir

Bíum bíum bamba, börnin litlu ramba, fram á fjallakamba ....

Tek undir með þér.

Ólína Kjerúlf Þorvarðardóttir, 16.11.2008 kl. 23:54

Bíum, bíum, bambaló, bambaló og dillindillindón dó, vini mínum vagga ég í rón en úti ...... knús og krúttkveðja

Ásdís Sigurðardóttir, 17.11.2008 kl. 02:54

Eitt stk. korselett og knús til zín!

Ekkert ull hjá maerinni ... Hahhahaha

www.zordis.com, 17.11.2008 kl. 09:49

...að leita sér lamba! ;)

Eigðu góðan dag.

Hrönn Sigurðardóttir, 17.11.2008 kl. 10:41

Mikið er annars misjafnt hvernig við sjáum hlutina, eins og þú veist, t.d. málverkið. En lífsstykki minnir mig á skrúfstykki, sem er of þröngt, og ég upplifi þjóðina fasta í skrúfstykki.

Takk fyrir öll táknin þín.

Sólveig Hannesdóttir, 17.11.2008 kl. 17:03

Þessi íslensku barnagælur eru gulls ígildi.

Lífs-stykkið já .... það er nebbilega pæling. Jafnvel svo slæmt áhald, utanumhald, já fjöturhald sem svona korselett hlýtur að vera, getur orðið nauðsynlegt í kreppu....

Ég er svo hrifin af táknfræði sem á grönum má sjá, enda fór ég í gegnum mitt Freudíska tímabil, - og hef kannski aldrei komist alveg í gegnum það ....

Guðný Anna Arnþórsdóttir, 17.11.2008 kl. 22:32

Elsku vinkona. Þakka þér fyrir aaaaaaaaaaaaaallt. Veistu að ég sat í klukkutíma og skrifaði heljarins grein. Ég bara varð, en líklega læt ég mér nægja að hafa skrifað hana. Það er útrás. Þá var ég komin með upp í háls og langaði svo mikið í eitthvað allt, allt annað, eins og t.d. þetta sem hér er. Táknin þín eru svo skemmtileg og myndirnar sem þú birtir. Æi. Mig langar svooooooooooo mikið í hitting. Reyndar fer ég á Selfoss á fimmtudag að lesa og Roger kemur þá og verður fram á þriðjudag. En alla vega eftir það. Þá bara verðum við. Góða nótt hjartað mitt.