Sjálfsskoðun semibloggara

Alveg get ég endalaust dáðst að því hversu andrík og afkastamikil ég er hér á þessu blessuðu, bévítans bloggi. Það svoleiðis buna útúr mér ljóð, sögur og frábærlega fyndnir sjálfsævisögulegir þættir. Aukinheldur rennur af lyklaborðinu fagleg, uppbyggileg og málefnaleg samfélagsleg rýni, ábendingar til stjórnvalda og huggunarorð til peningatapsárra landa minna. Bestir eru þó þættirnir um sálfræðileg og geðfræðileg málefni þar sem ég tvinna saman að stakri snilld nýjum og gömlum stefnum og straumum í fræðunum þeim.  Nú fer mig að vanhaga um lýsingarorð, enda er ég komin að tímamótapistlum mínum um skammtafræðina, sem skráðir munu verða á spjöld sögunnar, fullir af nýstárlegum  tengingum við ýmsar aðrar fræðigreinar, svo sem guðfræði og heimspeki. 

Ég segi nú bara eins og Guðmundur dúllari: „ mikil unun var að heyra til mín á Útkaupstaðarloftinu um daginn....“

Sá er bara munurinn, að Guðmundur dúllari hafði rétt fyrir sér. 

 

Athugasemdir

[Brattur, 25.10.2008 kl. 10:36]

... þetta er hverju orði sannara... nú er þörf að skrifa meira um skammtafræðina svo maður sjái hvað maður má leyfa sér á þessum dögum... en hvað sagði annars  Guðmundur dúllari um skammtafræðina?

[Guðný Anna Arnþórsdóttir, 25.10.2008 kl. 10:53]

Ég býst við að hann hefði talið hana snúast um skammtana í litlaskatti og stóraskatti.....

[www.zordis.com, 25.10.2008 kl. 12:13]

hahahahaha ...

Á þessu bloggi hefur kona komið og velt sér upp úr góðgæti þínu kæra Frú. 

Góða helgi!

[Hrönn Sigurðardóttir, 25.10.2008 kl. 17:26]

heheheheh þú ert aldeilis ágæt, í stórum sem smáum skömmtum!

[Unnur Sólrún (IP-tala skráð) 25.10.2008 kl. 22:01]

Hjartagull.  Ég tek bara undir með hinum.  Allir þínir skammtar gefa mikið, hve stórir sem þeir mælast og best ert þú sjálf og ég vona bara að þú lendir ekki undir skammtarann.  Ég ætla á Súfista á morgun.  Sendi þér sms þegar ég fer.  Síðan er eitthvað svo fallega björt og glöð svona.  Mér líst á þetta.

Er að berjast við að koma nýrri bók á netið í forriti sem ég keypti í gær.  þar leyfir mér að setja þetta upp sem alvörubók og ÞÚ GETUR MEIRA AÐ SEGJA FLETT HENNI Á NETINU.  Ó mig langar svo að þetta virki hjá mér, en vantar eilítið meiri kunnáttu sem ég er að leita mér að eins og ´grár köttur hér.

Faðmlag til þín elsku vinkona mín.

[Sólveig Hannesdóttir, 26.10.2008 kl. 00:38]

Frænka mín sæl. Mér mund aldrei dirfast að vera ekki sammála þínum ráðagjörðum, ég samþykki því þitt nýja útlit, eins og skot. Ég er óskaplegt íhald hvað svona lagað snertir. Eiginlega má aldrei breyta neinu, sem nálægt mér er, en ég held ég bara venjist þessu mjög fljótlega, og kannske fær það mig til að hrista upp í sjálfri mér.   En elsku frænka mín, ég verða eitthvað svo svakalega óróleg yfir þessari jóladaganiðurtalningu, sem þú ert með...........

[Steinunn Helga Sigurðardóttir, 26.10.2008 kl. 13:50]

þú ert bara yndisleg með alla þína skamta, bæði stóra og smáa !

Kærleikur til þín frá Lejre

steina

[Unnur Sólrún (IP-tala skráð) 26.10.2008 kl. 19:24]

Vona að þetta virki hjá mér núna.  Takk elskan mín að láta mig vita.  Þú ert alltaf söm við þig.  Þú átt nú eiginlega hluta af blogginu mínu, ef svo má segja því þú kynntir mig fyrst fyrir þessum möguleika.

Ástarkveðja á sunnudagskvöldi

[Guðný Anna Arnþórsdóttir, 27.10.2008 kl. 22:31]

Æ, dúllurnar mínar, ég er bara komin aftur í gamla, góða útlitið. Takk samt fyrir að samþykkja framhjáhaldið. Hvernig datt mér þetta eiginlega í hug?

[SM, 28.10.2008 kl. 11:05]

þig vantaði kannski meiri spennu í lífið???...

[Grétar Rögnvarsson, 30.10.2008 kl. 15:08]

Hver var Guðmundur á Útkaupstaðarloftinu? Haltu svo bara áfram gaman að lesa og myndirnar af kökum mmm kannski vantar mig bara kokk einhvertíma.

[Sólveig Hannesdóttir, 30.10.2008 kl. 20:23]

Ósköp er langt síðan þú hefur skrifað!!!

[Guðný Anna Arnþórsdóttir, 30.10.2008 kl. 21:22]

Þakka ykkur fyrir kommentin,  mitt kæra og elskulega fólk.

Guðmundur dúllari var fræg persóna á Íslandi á 19. öld og var frægur fyrir hið svokallaða "dúll" sem voru einskonar búkhljóð sem hann framdi sér og öðrum til skemmtunar, fyrir tíma tölva, ipods, sjónvarps o.s.frv.

Ég flutti sem fljótt "heim" aftur eftir framhjáhaldið þarna í hinu útlitinu .... Útlitið hefur löngum blekkt menn og konur. 

Ritstífla mín núna orsakast öðru fremur af reiði, ekki andleysi. Mér finnst ég afskaplega andrík í reiði minni, en hef sómatilfinningu til að láta ekki allt á prent .... maður meðhöndlar þetta svona einhvern veginn .....

Knús til ykkar allra, samt sem áður.