Jólagjafahugmynd í versnandi árferði

Innihald:

• 2 eggjahvítur
• fjórðungur úr teskeið af "cream of tartar"
• 100 g sykur (ég nota hrásykur og púðursykur til helminga og minnka magnið í 80 g)
  
• 30 g möndlur, fínt saxaðar (ég mala þær í kvörn)
• örlítið salt
• 1 teskeið vanillu "extract"  (ég nota vanillustöng)
• 250 g kókosflögur  (bestar frá Sollu)

Aðferð:

1.      Þeyta eggjahvítur, setja "cream of tartar" útí  og þeyta áfram. Setja sykurinn úti, eiungis eina teskeið í einu og þeyta á milli þar til fallegir toppar myndast á soppunni og hægt er að hvolfa skálinni án þess að allt leki með leiðindum.

2.      Blanda varlega saman við soppuna möndlum, salti, vanillu og kókosflögum . Blandan á að vera dálítið klístruð, en halda formi við mótun.

3.      Búa til kúlur á stærð við klementínur, 6 cm í þvermál. Athuga að hafa þær ekki of flatar, kökurnar verða fallegastar ef þær fara alveg kúlulaga á plötuna.

4.      Setja kúlurnar á vaxpappírsklædda  bökunarplötu og baka í 20 mínútur, þar til þær verða gullnar að hluta til.

5.       Láta kólna alveg.

6.      Pakka svo t.d. inn í gagnsæan pappír með slaufum á endunum (eins og karamellur), setja í falleg box (mega vera gömul með sál) ellegar í glærar krukkur.

Öndvegis, ódýr  jólagjöf, sem allir fagna að fá og bæði er gaman er að gera og pakka fallega inn!

Athugasemdir

[Steinunn Helga Sigurðardóttir, 3.10.2008 kl. 13:41]

ummmm,  ekki veitir af að finna ódýrar hugmyndir !

um daginn skrifaði ég þér um mynd sé ég sá, núna er ég búinn að fá myndina og nafnið er What the bleep do we (k)now.

Smile Entertainment hafa réttin á henni. mjög spennandi um víddir !!! ég pantaði hana á netinu.

hafðu fallega helgi.

steina

[Heidi Strand, 5.10.2008 kl. 11:07]

Þakka þér fyrir.
þetta er góðasta hugmynd!

[Unnur Sólrún (IP-tala skráð) 5.10.2008 kl. 14:48]

Vinkona mín, ég finn þetta bráðna í munni.  Spurning er kannski hvort við þurfum að nota annað sætuefni en sykur og jafnvel eitthvað í staðinn fyrir kókosinn á jólum, ef þeir finna ekki leiðina út sem nú er leitað að dyrum og dyngjum.  Neeeeeeeeeeeei.  Auðvitað finnum við leið.  Það væri nú annað hvort.

Ég er búin að standa í markaðssölu í allan morgun.  Við kennara söfnum fyrir námsferð og þá er gott að grynnka á óþarfa glingri.  Gaman, gaman.  Kannski við ættum bara að fara út í vöruskipti einhvern tíma, meðan þrengsli eru á fjármálamörkuðum?

Hlýjar sunnudagskveðjur á Bryggjuna.

[Hannes Heimir Friðbjörnsson, 5.10.2008 kl. 17:49]

ég bíð spenntur eftir þvi að fá svona, hringdu í mig ef þú ratar ekki með pakkann ;o)

[Svava frá Strandbergi , 15.10.2008 kl. 23:48]

Sniðug jólagjög, sem ég ætla að gefa 'almost' öllum í minni fjölskyldu