Fall

     

 

     Laufin falla.

     Krónan fellur.

     Milljónir hverfa.

     Nei afsakið, milljarðar. 

     Það eru jól eftir 12 vikur.

     Og ég sem er ekki enn farin að bera á útihúsgögnin. 

 

 

Nú segi ég eins og allir alvörubloggararnir: Myndskreyting hefur takmarkaða tengingu við innihald færslu.

Athugasemdir

[www.zordis.com, 2.10.2008 kl. 09:20]

Mæli með loftbelg fyrir fall liðið ... annars eru nýfallin lauf yndislega falleg í hringrás lífs!  Get hins vegar ekki séð fegurðina í falli krónunnar og vona svo innilega að hún styrkist á næstu mánuðum!!!!!

[Steinunn Helga Sigurðardóttir, 2.10.2008 kl. 10:43]

hehe, þú gerir það bara næsta vor !

Kærleikur á kellu sem hugsar um jól 

steina

[Hrönn Sigurðardóttir, 2.10.2008 kl. 13:55]

jól jól - ég verð alveg spól.....  ;)

...er undir áhrifum ljóðabókar. 

[Sólveig Hannesdóttir, 2.10.2008 kl. 20:04]

Var að frétta af manni í Noregi sem segist geta reddað þessum málum okkar, er bara á leiðinni til Noregs að athuga þennan náunga.  Ennfremur hefi ég heyrt raddir þess efnis að við verðum bara sett undir Norsku Krúnuna, ég hef alltaf verið Konungssinni, eiginlega verið á móti þessu sjálfstæðisbrölti, en ég hafði bara komið auga á Danmörku, eða þannig, kannske þarf ég bara að átta mig á legu landsins.

[Brattur, 2.10.2008 kl. 21:27]

... fínt að hugsa til jólanna núna... er rétti tíminn að bera á útihúsgögnin núna... er aldrei pása í þess lífi?

[Unnur Sólrún (IP-tala skráð) 2.10.2008 kl. 22:51]

Já. Þetta er fyrirkvíðanlegt.  Hvorki krónur né lauf til á jólum.  En þá getur maður auðvitað bara borið á útihúsgögnin og látið snjóa á jólaborðið.  Síðan hristir maður eplatréð í gróðurhúsinu, skrifar sögur í snjóinn og leyfir stjörnum að vera úti fram eftir kvöldi.  Þetta verða örugglega hin bestu jól. 

Hjartans kvöldkveðjur frá þinni vinkonu

[Heidi Strand, 2.10.2008 kl. 23:11]

Jólin kemur og fer hvort sem er.
Við verðum bara að fara í jólakjóllin frá í fyrra og búa til okkar eigin jólagjafir. Svo má líka gefa gjafakort upp á barnapössun , þrif, gluggaþvott, innkaupaferð, gefa heimabakað brauð og annað.
Ég mun koma með hugmyndir um ódýrar jólagjafir þegar ég hef komið mér fyrir eftir flutninginn.

Myndin á blogginu þínu er flott!

[Guðný Anna Arnþórsdóttir, 3.10.2008 kl. 00:37]

Já, ég er líka búin að ákveða að þetta verði hin ágætustu jól, þrátt fyrir svikinn héra á aðfangadagskvöld, jólagjafir í glærum krukkum (brjóstsykur, kókosmarengs og súkkulaðibitakökur), jólakjól frá því í fyrra og ó-olíuborin húsgögn á svölunum. Sniðugt að gefa barnapössun eða gluggaþvott. Then again, gæti það ekki verið hefndargjöf?

Góða nótt, elskurnar mínar allar.