Rolluorðabókin

Að bera fé: Afklæða kind
Aflafé: Kindur sem stunda veiðiskap
Áhættufé: Fífldjarfar sauðkindur
Eigið fé: Kindur sem maður á sjálfur
Fégirnd: Afbrigðileg kynhneigð (Að girnast sauðfé)
Fégræðgi: Að vera einstaklega sólginn í sauðaket
Féhirðir: Smali

Félag: Lag sem samið er um sauðfé
Félagi: Sá sem leggur lag sitt við sauðfé
Félegur: Eins og sauður
Féleysi: Þegar skorið hefur verið niður vegna riðuveiki
Fjárdráttur: Samræði við kind
Fjárhagur: Einhver sem er afar laginn við sauðfé
Fjárhirslur: Geymslur fyrir sauðfé

  

Fjárlög: Mörg lög sem samin eru um sauðfé
Fjármagn: Þegar margar ær koma saman
Fjármál: Tungumál sauðkinda/jarm -Tóndæmi
Fjármálaráðherra: Yfirsmali
Fjármunir: Lausamunir í eigu sauðkinda

Fjárnám: Skóli fyrir kindur
Fjárplógsstarfsemi: Jarðyrkja þar sem sauðfé er beitt fyrir plóg
Fjársöfnun: Smalamennska
Fjárútlát: Þegar ærnar eru settar út á vorin
Fjárvarsla: Það að geyma kindur
Fjárveitingar: Þegar boðið er upp á sauðket í matarboðum
Fjáröflun: Smalamennska

Fundið fé: Kindur sem búið er að smala
Glatað fé: Fé sem ekki hefur komið aftur af fjalli

Grímsá: Kind í eigu Gríms
Handbært fé frá rekstri: Kindur sem menn hafa gefist upp á að reka og ákveðið að bera á höndum sér
Hlutafé: Súpukjöt
Langá: Einstaklega löng kind
Lausafé: Kindur sem eru lausar á afréttinum

Athugasemdir

[www.zordis.com, 27.5.2008 kl. 21:26]

Það má segja að hér eru á ferð fjárreglur.

Væri til í smá hlutafé, enda langt síðan síðast ....  vöffluknús!

[Gunnar Páll Gunnarsson, 27.5.2008 kl. 23:01]

Fjár-ans gott! Gerðirðu þetta sjálf, eða er þetta tekið upp úr Orðabók Sverris Stormskers?

Gunni Palli kokkur. 

[Guðný Anna Arnþórsdóttir, 27.5.2008 kl. 23:26]

Ég átti þetta inní "Grínfile" hjá mér, annaðhvort er þetta úr Pétriski orðabók, ellegar eftir snillinginn Stormskerið. Einhver fróður maður verður að segja mér það!! 

[Kolbrún Jónsdóttir, 28.5.2008 kl. 20:05]

Þetta er náttúrulega bara fyndið.

[Heidi Strand, 28.5.2008 kl. 23:57]

Mjög skemmtilegt.
Ég hef leikið mér með rollumyndefni og nafngift á myndunum mínum. Ég hef notað fjármál (mörg fé saman)sviðsetning,(svartir hausar á grunn) vörslufé( fé a bak við girðingu) áhættufé,(féhyrnt) sparifé (það var skreytt), veltufé (lá á bakið,) erlend fé (Það var spánskt)

[Sólveig Hannesdóttir, 29.5.2008 kl. 22:02]

Er ekki í lagi að ég láti hann séra Pétur í óháða söfnuðinum vita af þér Guðný mín??? Hann eins og þú veist er með gífurlegar uppgötvanir.

[Guðný Anna Arnþórsdóttir, 29.5.2008 kl. 22:46]

Góð viðbót frá þér, Heidi. Solla, ég er helzt á því að þetta sé bara frá honum séra Pétri, úr hinni ódauðlegu pétrísku orðabók, sem svo oft hefur verið vitnað til í þættinum "orð skulu standa" rásar 1, á laugardögum. Ég hafði vistað þessa visku hjá mér í "grín-möppu" og láðst að geta höfundar.  Njótið áfram!

[Berta María Hreinsdóttir, 30.5.2008 kl. 08:56]

Algjör snilld   og ekkert smá krúttlegar myndir líka

[Guðný Anna Arnþórsdóttir, 1.6.2008 kl. 12:05]

Kindur eru krúttleg snilldarráðstöfun náttúrunnar ....!