Konur vita hvað þær syngja

 

 

Daglega drekka milljónir manna kólerumengað vatn. Nú hefur þó fjöldi kólerusýkinga dregist saman um helming í um 65 þorpum í Bangladesh. Þennan árangur má þakka notkun gamalla klúta við síun vatnsins. Konurnar sía vatnið í gegnum gamla sarí-klúta. Sarí er hefðbundinn klæðnaður kvenna á þessum slóðum og þegar efnið hefur verið brotið saman fjórum sinnum nær það að sía úr vatninu stærstan hluta af kólerubakteríunum. Árangurinn verður hreinna drykkjarvatn og færri kólerusýkingar.
Kólerubakterían, Vibrio cholerai, er svo lítil að klæðið næði ekki að fanga hana, ef ekki væri fyrir þá sök að í vatninu lifir hún í sambýli við þörunga sem eru svo stórgerðir að þeir komast ekki í gegnum klæðið. Gömul saríklæði með lúðum trefjum eru þéttustu og áhrifaríkustu síurnar.

Athugasemdir

[Sólveig Hannesdóttir, 20.5.2008 kl. 21:54]

Við erum ekki nógu dugleg að meta vatnið okkar ómengaða. Það gera hinsvegar útlendingar. Kv. SH

[Guðný Anna Arnþórsdóttir, 20.5.2008 kl. 21:57]

Ójá, rétt er það.

[Hrönn Sigurðardóttir, 20.5.2008 kl. 22:11]

Þetta sýnir okkur að aldrei skyldi vanmeta gömul fræði. Þetta vita þær konurnar.