Jómfrúarfæðingar og erfðamargbreytileiki

Hryggdýr fjölga sér yfirleitt þannig að sáðfruma karldýrs og eggfruma kvendýrs renna saman og verða að nýjum einstaklingum. Þannig tryggir náttúran erfðafræðilega fjölbreytni. Í einstaka tilvikum hefur þó komið fyrir að kvendýr t.d. fiskar eða slöngur, hafi eignast afkvæmi án afskipta karldýrs.
En nú hefur það gerst í tveimur breskum dýragörðum að indónesískar komodo-eðlur hafa eignast afkvæmi með “jómfrúrfæðingu”. Vorið 2006 eignaðist eðlan Sungai fjóra unga í dýragarðinum í London, en hún hafði þá ekki komist í snertingu við karldýr í tvö ár. Og í desember 2006 klöktust fimm egg í Chester-dýragarðinum. Móðirin var eðlan Flóra, sem aldrei hafði komist í kynni við karldýr.
Erfðagreiningar á eggjum og ungum eðlanna sýndu að allir ungarnir voru aðeins afkvæmi móðurinnar. Þetta fyrirbrigði getur reyndar haft þann kost að kveneðlur geta komið á fót alveg nýjum eðluhóp ef skortur er á karldýrum. Dýrafræðingar hafa á hinn bóginn aldrei fyrr orðið vitni að jómfrúrfæðingum hjá komodo-eðlum og undrun þeirra varð eðlilega ekki minni þegar eðlurnar voru orðnar tvær.

Stelpur, erum við ekki að ná þessu? 

 

Athugasemdir

[Hrönn Sigurðardóttir, 5.5.2008 kl. 22:37]

Ég er ekki viss um að það væri kostur.............

[Guðný Anna Arnþórsdóttir, 5.5.2008 kl. 22:40]

Kostur í merkingunni kostur (priviledge) eða í merkingunni kostur (option) ???

(Það sem maður getur verið fyndinn á köflum .... ) 

[Ásdís Sigurðardóttir, 6.5.2008 kl. 00:10]

Alveg drep fyndin...  við endum einkynja held ég bara , en ekki á þessari öld sem betur fer.

[Hrönn Sigurðardóttir, 6.5.2008 kl. 09:52]

Hmmm ég þarf að hugsa þetta aðeins.........

....hef líklega ekki byrjað nógu snemma á grænmetisfæðinu

[Hrönn Sigurðardóttir, 6.5.2008 kl. 09:52]

Jú ég held mig við fyrri kostinn ;)

[Hrönn Sigurðardóttir, 6.5.2008 kl. 09:53]

....og já þú getur verið fyndin

[Steingerður Steinarsdóttir, 6.5.2008 kl. 11:14]

Já, þær eru eðlilegar þessar eðlur.

[Guðný Anna Arnþórsdóttir, 6.5.2008 kl. 22:49]

Eitt er víst að þetta endar með ósköpum ( ó - sköp, sko )....

Fyrir mitt eðlilega eðli, finnst mér þetta hræðilegt tilhux.

Fyndnin bara yfirgefur mig ekki núna. Sem betur fer varir þetta stutt.  

[Hrönn Sigurðardóttir, 7.5.2008 kl. 00:43]

haha

[Jens Sigurjónsson, 7.5.2008 kl. 18:52]

Er þetta eðlilegt  ?

Bestu kveðjur Jenni.

[Guðný Anna Arnþórsdóttir, 7.5.2008 kl. 20:42]

Nei, eðlu-legt, kæri Jenni. (ennþá í fyndna stuðinu .... )