Óvinsældir og kökuát

Enginn er ánægður með að vera haldið utan við hópinn eða skilinn útundan þegar boðið er til veislu. Félagsleg útskúfun getur leitt til margvíslegrar, neikvæðrar hegðunar. Þetta sýnir athugun sem gerð var við ríkisháskólann í Flórída í Bandaríkjunum undir stjórn Roys Baumeister.
Sumum þátttakendum í tilrauninni var sagt í leynum að enginn í hópnum vildi eiga neitt saman við þá að sælda. Hinir útskúfuðu sýndu greinilega minnkaða hæfni til sjálfstjórnar. Þeir urðu árásargjarnir og ófúsir til að veita nokkra hjálp og áttu að auki afar erfitt með að standast freistingar. Þegar vísindamennirnir settu smákökur fyrir framan þá, hámuðu þeir í sig tvöfalt á við þá sem taldir voru félagslega viðurkenndir.

 

          

Athugasemdir

[Hrönn Sigurðardóttir, 29.4.2008 kl. 22:56]

Mikið til í þessu!

En svo eru kökur líka góðar - gleymdist nokkuð að reikna þann faktor með í tilraunina?

[Fanney Björg Karlsdóttir, 29.4.2008 kl. 23:01]

ó mæ got..... ég er ein af hinum útskúfuðu...... eins og ég háma í mig.......en svo eru kökur líka góðar.....eins og Hrönn bendir réttilega á...

[Hrönn Sigurðardóttir, 29.4.2008 kl. 23:09]

Ég held fast í það Fanney - verandi útskúfuð

[Fanney Björg Karlsdóttir, 29.4.2008 kl. 23:20]

segjum tvær Hrönn...

[Marta B Helgadóttir, 30.4.2008 kl. 00:26]

Góð pæling og alveg örugglega mikið til í þessu.

...nú veit ég af hverju ég hef fitnað á núverandi vinnustað

[Gunnar Páll Gunnarsson, 30.4.2008 kl. 04:47]

Góð pæling og mikið til í þessu. Þú ert virkilega marg, velkomin í bloggvinahópinn minn.

Vil ekki halda þér útundan og hafa það á samviskunni að þú hendist í kökuát.

Gangið á Guðs vegum m ávallt.

Gunni Palli kokkur. 

[Gunnar Páll Gunnarsson, 30.4.2008 kl. 04:52]

Hey hey! Þetta eru ábyggilega sítrónupæ maður. MMMMMMMMMmmmmmm. Þunnur stökkur sætur botn með hvínandi sætu sítrónukremi úr eggjum og smjöri  (lemon curd ) og svo marengs ofan á sem er svo létt grillaður.  ....Og svo expresso eins og maður getur í sig látið á eftir, bara til að koma sér í gang aftur. (Djúp stuna )

Gunni Palli kokkur. 

[www.zordis.com, 30.4.2008 kl. 16:28]

Hvað leggur fólk til munns sem er útskúfað og fær engar kökur???  Mætti ég biðja um væna sneið af brauðtertu

Agalegt að vera out nema það sé inn???

[Svava frá Strandbergi , 1.5.2008 kl. 01:45]

Þetta er skýrt dæmi um að ,tröstespise'. Skrýtið, mér finnst sætar kökur svo æðislegar.

[Steinunn Helga Sigurðardóttir, 1.5.2008 kl. 18:13]

þetta er mjög áhugavert, og ætti að vekja marga til umhugsunar um framkomu okkar hvert við annað.

takk fyrir þetta.

Bless

steina

[Guðný Anna Arnþórsdóttir, 1.5.2008 kl. 22:01]

Akkúrat, mín kæru! Líst vel á lýsingu Gunnars Páls á kökunni .... MMM

Í trúnaði: Ég gæti ekki lifað án sætinda, rjómabolla, croissont-a, hjónabandssæla og svoleiðis. Held ég myndi bara frekar vilja vera félagslega útskúfuð .... ! (Þetta er óábyrgt hjal hjá fordekraði nútímamanneskju ...)