Stílbrot

Merkilegt hvað tveir tómir kaffibollar á borði, full kanna af kaffi og tvö sherrystaup, sneisafull af sherryi og enginn sem situr við borðið, hafa mikil áhrif á nærstadda. Það er hlé í leikhúsinu og örtröð á barnum. Þeir sem gleymdu að panta borð í hléinu stympast við að fá sæti. Fólk stansar við auða borðið andartak, en áttar sig svo og fyllist ósjálfrátt lotningu, já, lotningu. Svona eru stílbrotin í lífinu til þess fallin að skerpa stílinn og samræmið.

Athugasemdir

[Steinunn Helga Sigurðardóttir, 30.9.2007 kl. 05:32]

eitthvað er nú samt fallegt við það, hriður í ófriðnum.

Fallegan sunnudag til þin

AlheimsLjós til þín líka

Steina 

[www.zordis.com, 30.9.2007 kl. 08:33]

Best að hita smá kaffi eftir lestur færslunnar þinnar!  Hreinn unaður, held ég sleppi samt sherrýinu þar til betri tími kemur og góður félagsskapur! 

[Jóna Á. Gísladóttir, 30.9.2007 kl. 15:08]

Nú verð ég að viðurkenna að ég er svolítið lost. Skil ekki alveg

[Guðný Anna Arnþórsdóttir, 30.9.2007 kl. 17:05]

Jóna mín, það er bara ekkert að skilja. Þetta er ekki eins djúpt og það virðist....  Vona að þú finnir þig fljótlega aftur........Hnyttnin og húmorinn ríða ekki við einteyming....

[Steingerður Steinarsdóttir, 2.10.2007 kl. 09:58]

Já, við erum hópdýr þegar allt kemur til alls og heilagur andi í rólunni virkar enn eða heilarandi eins og ég hélt lengi vel að það væri.

[Ásdís Sigurðardóttir, 3.10.2007 kl. 19:54]

Fann ég nú einn sem vill Grandið sitt eins og ég.  En maður sest nú ekki við uppádekkað borð nema vera boðinn 

[Ragnhildur Jónsdóttir, 5.10.2007 kl. 00:54]

Sæl Guðný og þakka þér fyrir innlitið og notalegt komment á síðunni minni. Ég á eftir að kíkja hér inn aftur, fullt af skemmtilegu að skoða

[Greta Björg Úlfsdóttir, 5.10.2007 kl. 10:04]

Sæl, Guðný Anna, gaman að hitta þig aftur!

Heldurðu ekki að það hefði verið gaman að vera sú sem átti fulla/auða borðið pantað og kom of seint? Manni hefði liðið eins og drottningu að tylla sér niður!

[Margrét St Hafsteinsdóttir, 6.10.2007 kl. 02:23]

Takk fyrir innlitið á mína síðu og athugasemdina. Alltaf gaman að kíkja við hjá þér og sjá listrænu frærslurnar þínar. Góða helgi. Knús.

[Ásgeir Rúnar Helgason, 6.10.2007 kl. 22:14]

Skál!

[Sólveig Hannesdóttir, 7.10.2007 kl. 22:00]

Ég kannast við auða kringlótta borðið við barinn á annarri hæðinni,

kannast einnig við að fá ekki sæti.

Man eftir frumsýningunum, ´

Man eftir þessum óskaplega fínu kjólum

Man eftir mér sem sætavísu á sal.

Man eftir Gunnlaugi Þórðarsyni á frumsýningu segjandi "Má ekki bjóða yður Ópal fröken??"

[Guðný Anna Arnþórsdóttir, 7.10.2007 kl. 22:27]

Hverfum aftur í tímann og látum Sólveigu vísa okkur til sætis, hneigjum okkar fyrir Gunnlaugi og þiggjum Ópal. Við stelpurnar erum í fínum kjólum og Ásgeir og Guðmundur eru í sjakket. Þið finnið lyktina, eftirvæntinguna og svo er þessi líka fína sýning að hefjast. Í hléinu setjumst við öll til borðs á annarri hæðinni, rétt við hliðina á barnum, og fáum okkar kaffi og Grand. Er ekki dulítið dásamlegt hjá okkur?

[Guðríður Hrefna Haraldsdóttir, 8.10.2007 kl. 22:17]

Algjörlega dásamlega dásamlegt. Knús í Bryggjuhverfið frá himnaríki.