Heim á ný

Það sem meðal annars var - og er - í boði í Montréal:

                                                  

 Flottar byggingar                                                                  

     

Miðalda - markaður

 Gallerí                Matur       

 

               

Sigling um St Lawrence- fljótið                                     Biodome

Alveg gæti ég vanist því að búa algerlega á hóteli. Ekki nóg með að það sé búið um mann og eldaður oní mann morgunmatur, heldur er líka ræst fyrir mann, tekið til og þvegin handklæðin. Dúnmjúk teppi og píanó-djazz; glasakliður í fjarska og nóttin að færast yfir: c´est moi.

Í borginni var alþjóðleg kvikmyndahátíð og óviðjafnanlegt tilboð alltaf á næsta leiti. Aaaaalveg.... Ég borðaði morgunmat einn morguninn með John Voight. Hann lét sem ekkert væri og tók ekki eftir neinu. Ég hugsaði bara mitt og lét líka sem ekkert væri.  Assgoti heldur hann sér vel, kallinn.

Gamli bærinn er yndislegur. Litlar búðir og veitingahús um allar trissur, fólkið vingjarnlegt og allt stress víðsfjarri.  Mér fannst ég ganga inní skáldsögu þegar ég gekk um miðaldamarkaðinn sem þarna ku vera árviss atburður. Ég hugsaði upp mörg plott og sá marga karaktera...

Galleríin eru unaðsleg. Kynntist nýrri listakonu, sem ég féll í stafi yfir. Sú heitir Maryline Lemaitre. 

Ein túristagildra (amk) er í borginni og heitir sú Biodome. Ég hugga mig þó við að þar komst ég í nána snertingu við mörgæsir og hafði unun af. 

Eitt af því sem er svo snilldarlegt við þessa borg er sú staðreynd, að neðanjarðar er önnur borg með gríðarlega skilvirku neðanjarðarlestarkerfi, verslunum, þjónustumiðstöðvum og kvikmyndahúsum.  Teoretískt getur maður tekið lyftuna í húsinu sínu niðrá - 4 hæð, farið í lestina í vinnuna sína, síðan niður á - 4 hæð aftur, eða hvað það nú er, verslað, farið til tannlæknis, á hárgreiðslustofu, barinn etc. etc og tekið svo bara lestina heim aftur. Ég gæti vanist þessu líka.

Athugasemdir

[Guðríður Hrefna Haraldsdóttir, 1.9.2007 kl. 23:35]

Velkomin, elskan. Mikið hefur þetta verið dásamleg ferð! Gæti alveg hugsað mér að búa á hóteli ... sérstaklega eins og þessu sem þú lýsir!

[Hrönn Sigurðardóttir, 1.9.2007 kl. 23:40]

Dásemd.........

[Brattur, 2.9.2007 kl. 09:00]

... mikið hljómar þessi borg spennandi... það er rosalega gott að láta stjana við sig og sjá um alla þessa hversdagslegur hluti eins og þrif og matseld... þá hefur maður tíma til að leika sér meira...

[Unnur Sólrún (IP-tala skráð) 2.9.2007 kl. 09:20]

Velkomin heim elsku Guðný Anna.   Mér líður betur þegar þú ert heima. 

 Þessi borg fer á óskalistann.  Reyndar hefur mig lengi, lengi langað til Kanada og eitthvert árið mun sú löngun verða að veruleika.  Þá ætla ég að heimsækja Montreal meðal annars og láta lyfta mér milli borgarhluta.  Mest langar mig þó að búa í skógarhúsi, ráfa um skógana, veiða í vötnunum og kynnast mannlífinu í norðri. 

Njóttu þessa sunnudags sem lofa sól og blíðu.

[Sólveig Hannesdóttir, 2.9.2007 kl. 11:15]

Það er stórkostlegt að búa á hóteli, og sérstaklega svona langan tíma, er ekki soldið erfitt að fara i farið heima, annars ert þú svo snyrtilega og reglulega manneskja, eða eins og sagt var, mjög myndarleg húsmóðir, þannig að þetta er ekki eins mikið áfall að koma í sitt.

Ég hefi aldrei komið til Canödu, en mikið eru myndirnar góðar hjá þér. 'Eg hefði gjarnan vilja koma að Manitobavatni á slóðir Vilhelms og Þórunnar.

[Fanney Björg Karlsdóttir, 2.9.2007 kl. 12:27]

mmm.. svona á að lifa lífinu.... velkomin heim ljúfust...

[Marta B Helgadóttir, 2.9.2007 kl. 16:24]

Velkomin heim. Þetta hljómar dásamlega.

[www.zordis.com, 2.9.2007 kl. 19:53]

Flott ferð í alla staði!  Mikið væri ég til í eina viku í svona vellystingum, láta stjana meira við mig en gert er, fá breakfast in bed  og skoða menningarviðburði.  Svona miðaldarmarkaður er haldin víðast í borgum hér á spáni og það er eins og ganga inn í nýjan heim ... Velkomin á þínar slóðir á ný!

[Steingerður Steinarsdóttir, 2.9.2007 kl. 21:57]

Velkomin heim. Vá hvað þetta er freistandi. Ég gæti hugsað mér að fara til Montreal.

[Steinunn Helga Sigurðardóttir, 3.9.2007 kl. 17:05]

velkomin heim

AlheimsLjós til þín i gegnum mig 

Steina

[Sólveig Hannesdóttir, 3.9.2007 kl. 22:25]

Þú ert ótrúlegur myndasmiður .

[Guðný Anna Arnþórsdóttir, 4.9.2007 kl. 20:33]

Takk fyrir viðbrögð og góðar huxanir, elskurnar. Já, það er sko örugglega hægt að komast í PhD í kynlífsfræðum í Kanödu. Og Solla, mikið held ég að við frænkur allar myndum njóta ferðar til fornra slóða forfeðra vorra. Hvernig væri að setja það á dagskrá og hefja niðurtalningu?