EBH

Sunnudagur, 19.8.2007

Vá, það var laugardagur.

Hann kom í heimsókn með afa sínum. Hann og pabbi settust í stofuna og reyktu vindla. Það var höfðingabragur yfir þeim. Maður fylltist lotningu og hugsaði, vá, hvað það verður gaman að verða fullorðinn og ráða einhverju. Þeir réðu eiginlega öllu í þorpinu, svona á veraldlega sviðinu. Svo kom amma hans og hún og mamma settust í eldhúsið og drukku kaffi og fengu sér upside-down ananasköku. Amma hans hló svo flott, svona konungloega, löngu seinna áttum við mamma eftir að hæja að því hvað mér fannst hún vinkona hennar hlæja flott. Þær réðu ölu í þorpinu varðaði samskiptaleg og tilfinningaleg mál þorpsbúa, hélt ég. Allavega gáfu þær mikil ráð og voru afskaplega "vandaðar " konur eins og það hét þá. Við börnin þessara samfélagsstópa bara fórum uppá loft – einn stiga eða svo - og ég sýndi honum leikaramyndirnar mínar. Hann hváði og sagði hvað ertu eiginlega gömul. Þá fannst mér í fyrsta skipti ég vera voðalega gömul. Hann var samt eldri. Hvað hann var fallegur, gáfaður og af annari veröld. Enda bjó hann fyrir sunnan. Hvað ég geymdi þessa mynd í hugarfylgsni lengi. Þegar ég svo löngu, löngu seinna heyrði hann spila á píanó, fannst mér hann flottastur allra, elstur, yngstur og fallegastur. Og ég fann bragðið af upside-down kökunni og vindlareykurinn liðaðist eins og þokuský fyrir vitum mér. Heimurinn varð aftur fullkominn og fagur og mávarnir görguðu fyrir neðan húsið.

Flokkur: Bloggar | Breytt 20.8.2007 kl. 00:43 | Facebook

Athugasemdir

Katrín Snæhólm Baldursdóttir, 19.8.2007 kl. 12:06

Yndislegt, yndislegt!

Guðríður Hrefna Haraldsdóttir, 19.8.2007 kl. 13:38

Þetta greip mig alveg frá og með "vá" vona að þetta sé bara brot af stærri pakka/handriti af minningum. Hef heyrt að þessari ananasköku...hún er fræg.

Þorbjörg Ásgeirsdóttir, 19.8.2007 kl. 19:40

Yndislegt.

Marta B Helgadóttir, 19.8.2007 kl. 21:19

Guðný Anna, mig vantar að fá sendan frá þér bókartitil vegna leshringsins. Kveðja, Marta

Marta B Helgadóttir, 20.8.2007 kl. 11:49

... þetta er eins og ljóð... fallegt ljóð...

Brattur, 20.8.2007 kl. 19:23

Krúttlegt og skemmtilegt minningarbrot.....

Fanney Björg Karlsdóttir, 20.8.2007 kl. 19:26

Yndislegar minningar! "vandaðar" konur

Tímarnir hafa breyst en minningin lifir í huganum eins og gerst hefði í gær!

www.zordis.com, 20.8.2007 kl. 19:36

Sólveig Hannesdóttir, 20.8.2007 kl. 20:34

Takk fyrir kommentin, mín kæru!

Guðný Anna Arnþórsdóttir, 20.8.2007 kl. 23:25

Finn allt í einu ekki ananas "upside-down" uppskriftina, en set hér aðra ættaða úr Eskifjarðareldhúsinu hennar múttu:

Botn:

4 eggjahvítur
200 gr sykur
3 bollar richcrispi

Á milli botnana.

1 pottur rjómi (geyma 1dl)
100 gr karamellusúkkulaði

Krem ofan á:

200 gr rjómatöggur
1 dl rjómi (sem var geymdur)

Eggjahvítur og sykur þeytt vel saman.
Crispíinu bætt úti með sleif. Mótið botnana á bökunarpappír. Bakað við 150 í 45 mín. Slökkt á ofni og hann opnaður, látið kólna inni í honum.

Rjómi þeyttir og súkkulaðið saxað og sett út í. Smurt á.

Karamellurnar og rjóminn sett í pott og hrært allan tímann. Helt yfir.

Best er að setja kökuna í kulda til að storkna. Hægt að frysta og geyma ......

Ómótstæðilegt og syndsamlegt.

Guðný Anna Arnþórsdóttir, 20.8.2007 kl. 23:34