Mæðgur á ferð

    

 Arna Guðný og Freydís Guðný        Viktor og Freydís

    

 Sjólaug Vala og Bjarni                    Bjarni og Þorbjörg

    

Arnþór Bjarnason                           Listsýning Örnu

Mæðgurnar GAA og Freydís lögðu heiðar og mýrar Íslands undir hjól og skruppu til Akureyrar á vit frænda og vina. Sungu þær sem leið lá yfir þokubaðaðar heiðar og þurftu stundum að aka eftir minni.  Á Akureyri var eldað, borðað, drukkið, spjallað, dansað og farið á listsýningu. Arnþór Bjarnason er nýkominn úr hálfs árs ferðalagi um Suður Ameríku og hafði miklu frá að segja. Það var ekta bónus að hitta Bobbu eldri í leiðinni, en hún er í heimsókn hjá syni sínum og kó. Hún bað mig vinsamlega að birta ekki mynd af sér og er við því orðið. Listsýningin var upplifun, eins og allt sem maður upplifir í gegnum innri kíki ÖGV. Mæðgurnar eru sammála um að þær eigi skemmtilegustu og yndislegustu fjölskyldu í heimi. Amen. Aftur lögðu svo söguhetjurnar landið að fótum sér og rifjuðu upp söngtakta og vegina á þokuheiðunum. Krákan og Eivör komu sterkt inn í ferðinni. Mæðgurnar syngja mjög vel með Eivöru á íslenskum heiðum.

 

Athugasemdir

[www.zordis.com, 13.8.2007 kl. 09:24]

Greinilega góð og mikil ferð að baki!  Ísland er greinilega búið að vera hreinn draumur til ferðalaga og útstáelsis.  Hafðu það gott ... og njóttu lífsins sem þið mæðgur gerið af miklu trompi. 

[Katrín Snæhólm Baldursdóttir, 13.8.2007 kl. 15:31]

Mig vantar að þræða íslenska fjallavegi í þoku...það er eitthvað alveg einstakt við það. Flott listsýningin og fallegir vandamenn sem þið eigið!!

[Hrönn Sigurðardóttir, 13.8.2007 kl. 17:37]

Greinilega góð ferð. Það er fátt betra en að syngja hástöfum í bíl uppi á heiði í góðum félagsskap.

Flottar myndir af ástúðarfullu fólki

[Guðný Anna Arnþórsdóttir, 13.8.2007 kl. 22:23]

Við mæðgur erum lífsnautnasökkerar. Við elskum að hafa það gott og skemmtilegt, lausar við allt vesen og væl. Bara njóta, njóta - og vera með góðu fólki. Já, íslenskar heiðar eru himneskar. Ég verð alltaf svo hissa þegar ég heyri fólk lýsa því sjónarmiði að íslenskar heiðar séu hráslagalegar og ljótar... Vá, þær eru eitthvað það mest sjarmerandi sem er til. Og þokan gerir þær ennþá tilkomumeiri og ævintýralegri. Og syngja t.d. " ríðum, ríðum... " eða "hæ, hó og tröllin í fjöllunum.." eða þá "móðir mín í kvíkví...." -  í svartaþoku, það er að lifa.

[Þorbjörg Ásgeirsdóttir, 14.8.2007 kl. 10:37]

Takk fyrir indislega heimsókna, Guðný og Freydís.  Þið eruð alveg rosalega skemmtilegar og ég er svo frábærlega heppin að þekkja ykkur.

[Guðný Anna Arnþórsdóttir, 14.8.2007 kl. 11:32]

Heppnin er okkar megin, - og takk æðislega fyrir okkur og skemmtilegheitin öll!