Terta, hanastél og meistarinn

Ein dísæt

4 eggjahvítur
2 dl sykur
4 dl púðursykur
2 bollar Rice Crispies eða Corn Flakes

Eggjahvítur og sykur stífþeytt (þar til hægt er að snúa skálinni á hvolf án þess að deigið leki úr) og síðan er RC eða CF blandað varlega saman við.
2 botnar: ég teikna 2 hringi á bökunarpappír og set deigið þar á.
150°C ca 60 mín.Karamellukrem ofan á:2 dl rjómi
100 gr púðursykur
2 msk sýróp
30 g smörlíki
1 tsk vanillusykur

Tom Collins:

3 cl. gin
3 cl. sítrónusafi
6 cl. sódavatn
Skeið af flórsykri

Svo reit meistarinn um eina af endurfæðingum sínum, 1917:
Hlunkast í októbermánuði, um kl. 6 að kvöldi, þá staddur á Laugaveginum rétt fyrir ofan Bergstaðastræti, með vígahnattarhraða niður í ómælishöf guðspeki, yógaheimspeki og spiritisma, svo að allt annað gleymist. Fæ nýja útsýn yfir gervalla tilveruna. Kýli á andlegum æfingum. Beini mínu blikki til meistara í Tibet. Finn alheimsorkuna fossa gegnum hverja taug. Gerist heilagur maður.

Með þetta í farteskinu er hægt að skella sér til helgar....ásamt því að setja Rachmaninoff undir geislann, brenna reykelsi með pharamistailmi, en bara í 2 mínútur.

     

Athugasemdir

[Hrönn Sigurðardóttir, 19.7.2007 kl. 23:41]

Algerlega ertu einstök! Held barasta svei mér þá ef að þetta dugi.

PS kanntu Þórberg utan að? - Gæti ég fengið þig til þess að lesa hann fyrir mig upphátt? Úr hvaða bókum er þetta?

[Katrín Snæhólm Baldursdóttir, 20.7.2007 kl. 01:03]

Get ekki meir. Verð að lesa hann allan!!!

[www.zordis.com, 20.7.2007 kl. 05:37]

Alldeilis fullkomin innkoma í helgina!  Kanski kona skelli í eina tertu fyrir tengdó ...... 

Njóttu helgarinnar.

[Steinunn Helga Sigurðardóttir, 20.7.2007 kl. 08:18]

nú er tíminn ! fer og tek bókina fram á eftir.

Ljós héðan

steina 

[Hannes Heimir Friðbjörnsson, 20.7.2007 kl. 10:18]

Ég sé að við eigum sameiginlegan vin að nafni Tom.

[Brattur, 20.7.2007 kl. 20:05]

... og ég sötra rauðvín fram eftir kvöldi og hugsa... er þetta virkilega alheimsorkan sem flæðir í gengum mig....

[Hrönn Sigurðardóttir, 20.7.2007 kl. 20:17]

".....með vígahnattarhraða niður í ómælishöf....." greinilega ekki tilviljun að maðurinn er titlaður meistari........

[Þorbjörg Ásgeirsdóttir, 21.7.2007 kl. 00:21]

Gott fóður fyrir helgina  - á sál  og líkama......that´s the spirit !

[Guðríður Hrefna Haraldsdóttir, 21.7.2007 kl. 18:38]

Gvuð hvað þetta er allt girnilegt hjá þér, líka Þórbergur!

Sorrí kommenta"letina" undanfarið. Tæknimenn Moggabloggs fengu tölvupóst frá mér áðan með beiðni um hjálp. Þegar ég ýti á SENDA til að senda þetta komment mun koma athugasemd þar sem mér er sagt að ég sé ótengd. Ég tengi mig þá inn, í 15. sinn í dag (af því að ég DETT alltaf út) og þá gengur þetta kannski, svo dett ég út aftur, eins og við hverja hreyfingu mína hér. (Verður þú ekki á landinu 12. ágúst, elskan?) Hef kommentið óvenjuástúðlegt núna vegna vanrækslu sem er Moggabloggi að kenna! Arggggg!

[Guðný Anna Arnþórsdóttir, 21.7.2007 kl. 23:15]

Elskurnar, gaman að heyra í ykkur og sjá hversu alheimsorkan er að verki í ykkur öllum!

Tom Collins er góður, og ekki er Tom Waits verri....