Meiri meistarataktar

Ég er einn af mestu ritsnillingum, sem ritað hafa íslenska tungu. Og sál mín er víð og djúp eins og alvaldið. Ég er skáld og fræðimaður, heimspekingur og meistari í orðsins list. Mér er og gefin sú gáfa að geta hugsað og rannsakað vísindalega. En ástæður mínar hafa meinað mér að fást við vísindastörf. Ég hefi orðið að gera mér að góðu að vera bara vesæll fræðimaður.

Þórbergur Þórðarson: Bréf til Láru

Athugasemdir

[www.zordis.com, 14.7.2007 kl. 08:21]

Zad er varla haegt ad toppa svona ordsnilld eda vafstur.  Zetta minnir mig á ord X tengdó zegar hún lét eftirfarandi ord falla;  Zessar pönnsur gerdi ég, z.e. ef mig skyldi kalla!  Eigdu nú gódan dag ..... taktu kríu á álagskjálkatímanum og dreyptu á raudvíni med Kvöldinu í gódum félagsskap ...... 

[Hrönn Sigurðardóttir, 14.7.2007 kl. 09:11]

Óðfluga nálgast ég þann tímapunkt að glugga í bók eftir Þórberg. En það hef ég ekki gert síðan ég gafst upp á honum á mínum ungdómsárum.

Ég sé hann í allt öðru ljósi með þér!

[Unnur Sólrún (IP-tala skráð) 14.7.2007 kl. 12:11]

Góðan allan yndislegan daginn mín hjartans kæra.  Já. Þú kemur ýmsu til leiðar hjá manni og hvetur margan hátt.  Í gærkvöldi tók ég Ofvitann með mér í rúmið og ætla mér að endurnýja kynnin enda tímabært.   Tíminn leiðir hann án efa fram í talsvert öðru ljósi en í ,,den".  Faðmlag með blænum á svalirnar þar sem ég sé þig í makindum með bók og eitthvað meira huggulegt.

Þín

[Steinunn Helga Sigurðardóttir, 15.7.2007 kl. 13:39]

ég er sammála hrönn !

þessi maður hefur verið snillingur, það verður gaman að vita hvað hann verður þegar hann kemur næst á jörðina

Ljós til þín

steina 

[Doddi - Þorsteinn G. Jónsson (IP-tala skráð) 15.7.2007 kl. 16:36]

Kannski skömm frá því að segja að bókasafnsfræðingurinn ég hef ekki enn lesið Þórberg ... en ég les þig!

[Guðný Anna Arnþórsdóttir, 15.7.2007 kl. 23:52]

Ó, hvað ég gleðst, ef þið ætlið að skella ykkur í meistaralesningu! Takk fyrir kommentin, krúttin mín.

[Þorbjörg Ásgeirsdóttir, 18.7.2007 kl. 17:19]

Hógværð er ofmetið fyrirbæri.  Þórbergur er ofarlega á listanum  þínum núna - gaman að þessu.........og líka að lesa um Gauta í Japan. Sólarkveðja til þín.

[Steingerður Steinarsdóttir, 18.7.2007 kl. 22:36]

Sammála þér. Hann Þórbergur var ritsnillingur.

[Fanney Björg Karlsdóttir, 18.7.2007 kl. 22:46]

tja... maður skammast sín nú eiginlega að viðurkenna það hér og nú að maður hafi ekki lesið meistara Þórberg.... en um leið og ég öðlast þroska til.... þá skelli ég mér í hann......ég segi eins og Hrönn .... ég sé hann í allt öðru ljósi með þér...

[Guðríður Hrefna Haraldsdóttir, 19.7.2007 kl. 16:25]

Alltaf gaman að lesa Þórberg, þarf að þurrka rykið af Einum kennt, öðrum bent ... eða hvað hún nú heitir, fannst hún voða skemmtileg. Á líka Sálminn um blómið, snilldarbók.

[Guðný Anna Arnþórsdóttir, 19.7.2007 kl. 23:10]

Já, Einum bent, öðrum kennt... eða var það hinsegin, er rosalega góð ritsnilldarkennslubók. Ég inspíreraðist af henni í menntaskóla. Þar talar ÞÞ m.a. um lágkúrustílinn, ég verð talsvert var hann á köflum hjá sjálfri mér.. 

[Marta B Helgadóttir, 20.7.2007 kl. 15:57]

Frábær færsla Guðný Anna.

Gaman að einhver bloggi stundum um annað en dægurmál og  "poppaða" rithöfunda. 

Þórbergur er einn af þeim rithöfundum sem laðar fram væntumþykju í lesendum sínum, væntumþykju til mannlífsins í öllum sínum breyskleika og breytileika.