Útvarpskonur

 

Er útlenska konan sem las veðurfregnir um daginn kl. 16.15 á gufunni gufuð upp? Ég hélt að þetta væri Carola að gera grín eins og á Bylgjunni í gamla daga, en þetta var víst dauðans alvara.

Er KiraKira eina afsprengi krútt-kynslóðarinnar í útvarpinu? Ögn er það dásamlegt að heyra hana hvísla óendanlegum leyndarmálum að þjóðinni í þáttum sínum. Hún býr yfir einmuna leyndardómum þessi stúlka.  Ég held hún sé stundum að tala uppúr svefni.

 

 

Athugasemdir

[Hrönn Sigurðardóttir, 9.7.2007 kl. 22:20]

Já heyrðirðu í henni? Ég hélt mig væri að dreyma....

[Brattur, 9.7.2007 kl. 22:46]

... segðu mér aðeins meira, hver er þessi KiraKira og hvað er "krútt-kynslóð"? hef bara heyrt af  fjarstýringarkynslóðinni...

[Guðný Anna Arnþórsdóttir, 9.7.2007 kl. 22:47]

Hahahaha, ég hélt þetta væri djók. Ég er samt  voðalega ósköp langt frá því að vera fordómafull ung kona. Þetta var bara óneitanlega svo fyndið... ... KiraKira er álíka fyndin, bara á annan hátt. Sæt líka (sæt í óeiginlegri merkingu, eða þannig.... nú er ég eina ferðina enn komin í rökfræðilegar ógöngur).

[Guðný Anna Arnþórsdóttir, 9.7.2007 kl. 22:58]

Sá þig ekki, Gísli, við höfum verið á sömu mínútunni, so to speak.

KiraKira heitir Kristín Björg Kristjánsdóttir og hefur verið umsjónarmaður ýmissa þátta á Rás 1. Ágætis útvarpsmaður og skýrleika - kvenmaður, en talar í svona trúnaðar- leyndaróms - tón; virðist alltaf luma á banvænum leyndarmálum.

Krúttkynslóðin er stundum nefnd x- kynslóð. Allt er voðalega sætt og krúttlegt, maður lygnir aftur augunum og syngur itjújú eins og söngvarinn í hljómsveitinni SigurRós ellegar gefur út sætan geisladisk og skrifar aftaná: Takk Gunni, Maggi, Toti og Stebbi. Elska ykkur...o.s.frv. Svo drekkur maður rauðvín fram á ótt og fer daginn eftir í alltof stór stígvél við náttfötin og lallar útí bakarí að kaupa kruðerí. Þetta og fleira hef ég frá ekki ómerkari manni en Eiríki Ómari Guðmundssyni (Undir himninum, bls. 181).

[Hrönn Sigurðardóttir, 9.7.2007 kl. 23:11]

Ég flissaði allan tímann sem hún las veðurfréttir og steingleymdi að hlusta eftir spánni

híhí

PS merkilega góð lýsing á krúttkynslóðinni

[Brattur, 9.7.2007 kl. 23:22]

... jááá þau eru eins og blómálfar, ósköp sæt og meinlaus... og áhyggjulaus... öfunda svona fólk,...minn stæsti galli er að vera ekki nógu kærulaus, þungur baggi að bera

[Fanney Björg Karlsdóttir, 9.7.2007 kl. 23:25]

ahahah...elska þessa lysingu á krúttkynslóðinni.... en omg... þessi KiraKira hefur allveg gjörsamlega farið fram hjá mér.... verð greinilega að fara að hlusta á almennilega útvarpsrás......

[Katrín Snæhólm Baldursdóttir, 10.7.2007 kl. 08:35]

En þó ég sé ekki af krúttkynslóðinni sjálfri og eiginlegu þá er ég líka krútt. Fer í bakaríið með ógreitt hárið suma morgna og kann mörg banvæn leyndarmál. Er það kannski ekki krúttlegt hjá 44 something?

[Hannes Heimir Friðbjörnsson, 10.7.2007 kl. 19:14]

Mér finnst KiraKira vera svolítill partur af "Tilgerðareldhúsinu" en jú jú hún er kannski krútt.

[Guðný Anna Arnþórsdóttir, 10.7.2007 kl. 20:46]

Krúttkynslóðin biður að heilsa ykkur, elsku bloggvinir, og já, "tilgerðareldhúsið"  - það er einkar skemmtilegt eldhús....Ég stend með því og þessegin, svoleiðis, krútt- kynslóð!