Bílferð á sumardegi

Sunnudagur, 8.7.2007

Ísland í sól á sumardegi, hreinn og tær unaður. Ökuferð austur í sumarbústað til bróður míns og mágkonu í dag, dásemd. Kindarlegar kinur í haga, moldarbörð, nýrækt. Tvö hross sem standa í kross og nudda sér hvort utan í annað; svo íslenskt, svo heimilislegt, svo gleðivekjandi. Nýr litur í rúllubaggaplastinu; ólívugrænn. Tónlistin í bílaspilaranum spannaði hálfan heiminn: Þar gaf að heyra Hamraborgina, Bedúínapopp frá Marakkó, seiðandi, erótískt, kyngimagnað þjóðlagapopp frá Tyrklandi og djass frá Ungverjalandi. Að ógleymdu Nessum Dorma, sem ég verð að hlusta á annan hvern dag, til þess að halda andlegu heilbrigði og austfirskri bjartsýni (en það tvennt fer reyndar mjög svo saman).

Það var sorglegt að sjá á bakaleiðinni, að á bílflaks-kross-skiltinu hafði tala látinna í umferðinni breyzt úr 2 í 3.

En dagurinn var dásemd hjá mér, dirrindí.

Fólkið mitt.

Flokkur: Bloggar | Facebook

Athugasemdir

Þetta hefur verið ljúf stund hjá Jensenum - góðar kveðjur.

By the way......hvað heitir diskurinn með Bedúínapoppinu ?

Þorbjörg Ásgeirsdóttir, 8.7.2007 kl. 23:01

Oh, þetta var unaður. Þú veizt hvílíkur sælureitur þetta er. Diskurinn er úr safninu Buddha-Bar, sem maður þarf að panta af Amazon, þar eð svona gersemar fást ekki í plötubúðum Íslands. Ég man ekki númer hvað þessi BB er, ég á þá flesta. Viltu að ég finni það út fyrir þig?

Guðný Anna Arnþórsdóttir, 8.7.2007 kl. 23:07

Mér finnst bróðir þinn svo líkur manni sem býr á Selfossi.....

Getur verið að þið eigið frænda hér? Sem heitir Kjartan?

Hrönn Sigurðardóttir, 8.7.2007 kl. 23:41

Nei, elskan mín, þeir eru ekki skyldir. Þessi maður átti einn bróður, en hann er því miður látinn. Góðar kveðjur til þín fyrir svefninn - bið að heilsa iðjufjörkálfi Fanneyju!

Guðný Anna Arnþórsdóttir, 8.7.2007 kl. 23:48

....en líkir eru þeir. Hef alltaf dáðst að umræddum Kjartani, alltaf svo reffilegur eldri maður.....

Er bróðir þinn ekki bara tökubarn - ligesom jeg?

Hrönn Sigurðardóttir, 9.7.2007 kl. 00:02

Ohh Guðný.... víst er lífið yndislegt á svona dögum....... og svo þarf maður aðmæta í vinnu...... en maður verður víst stundum að vera Pollyana og þakka fyrir að maður hafi getu og heilsu til að vinna osfrv..... en veistu ég er ekki í soleis stuði núna....... vil vera í fríi í allt sumar þar sem allir dagar eru svona eins og að ofan er lýst......