Meistarinn skrifar um flatneskjuna

 Oft varð nú meistaranum tíðrætt um flatneskju í hugsun manna. Í skólatíð hans í Kennaraskóla Íslands, gekk algerlega yfir hann:

„Náttúrufræðin, allstór bók á dönsku eftir einhvern Boas, var öll um bein og skinn og hár á dýrum: Skelet, Lændehvirvler, Hjörnetænder, Kindtænder og Knudtænder, Skind og Huder, Dækhaar og Uldhaar, og þannig upp og upp aftur sama hreyfingarlausa þvælan um bein, skinn og hár, hár, skinn og bein, á einum 200 stórum síðum.
Og ég, sem var búinn að kosta peningum upp á mig í þennan skóla til þess að fá að vita eitthvað, er máli skipti, um dýrin, systkini okkar! Ég var hingað kominn í einlæga leit að uppruna þeirra, brann af forvitni að komast eftir, hvað þau væru allt af að hugsa, þráði að vita, hvernig sálin hagaði sér í þeim og hvort hún lifði eftir líkamsdauðann. Og eina svarið sem mér hlotnaðist við þessum síbankandi spurningum þekkingarþrár minnar, var þetta: 
„De ægte Sæler har et afrundet Hoved med kort Snude, en kort Hals, en plump, tendannet Krop og en kort Hale.“ 
 Það var eins og hellt væri úr hlandkopp framan í mig. 
Og þegar mig langaði að vita, hvers vegna sum dýr hefðu hófa, en önnur klær, þá var ég yfirþyrmdur með eftirfarandi svari:
„Hovdyrene udmærker sig ved at være forsynede med Hove i Steden for Klöer.“ 
,,Ég sat fyrst dolfallinn yfir þessari flatneskju.“

(Þessi tilvitnun er úr Ofvitanum, bls. 25-25 í frumútgáfunni.)

 taskan hans ÞÞ

Athugasemdir

[Guðríður Hrefna Haraldsdóttir, 3.7.2007 kl. 22:28]

Hahhaha, frábært!

[Guðný Anna Arnþórsdóttir, 4.7.2007 kl. 01:23]

Hann er engu líkur!

[Katrín Snæhólm Baldursdóttir, 4.7.2007 kl. 12:09]

Oh...ég vildi eiga svona tökdu..á reyndar eina gamla leðurtuðru frá ítalíu..þarf bara að láta setja í hana nýjann rennilás. Þær eru einhverra hluta vegna mun krúttlegri svona snjáðar og mikið notaðar...

Tek mynd af hausnum á þórbergi og set inn hjá mér fljótlega ásamt sögunni um hvernig hann varð til.

[Katrín Snæhólm Baldursdóttir, 4.7.2007 kl. 12:10]

TÖSKU

[Hrönn Sigurðardóttir, 5.7.2007 kl. 00:17]

„Hovdyrene udmærker sig ved at være forsynede med Hove i Steden for Klöer.“ 
,,Ég sat fyrst dolfallinn yfir þessari flatneskju.“

Aldeilis frábært. Þú varpar alveg nýju ljósi á Þórberg í mínum huga. Ég hef alltaf sofnað vært yfir bókunum hans. Man enn hvað ég reyndi margar aðferðir, á sínum tíma, til að halda mér vakandi yfir Bréfi til Láru og ekkert gekk.

Kannski ég reyni aftur núna. Hef kannski ekki verið nógu þroskuð þá.

[Steinunn Helga Sigurðardóttir, 5.7.2007 kl. 14:15]

góður, og góðar spurningar sem hann hefur !!!

Ljós til þín

steina 

[Guðný Anna Arnþórsdóttir, 7.7.2007 kl. 21:53]

Já, það sem er svo dásamlegt við þessa tösku hans Þórbergs er, hversu margar frumlegar hugsanir á blöðum hún hefur geymt!!

Hrönn mín, þú bara VERÐUR  að lesa hann Þórberg, það er nauðsynlegur hluti af því að vera Íslendingur og skilja íslenskan hugsunarhátt - og jafnvel lífið sjálft, - fer eftir hversu djúpt þú kafar. Fátt hafði jafnmikil áhrif á mig í uppvexti og á unglingsárum en skrif Þórbergs.

Takk fyrir góð kommnt, elskurnar mínar.