Meistari Þórbergur

Svar meistara Þórbergs við spurningu um hvort hann telji lífið eftir dauðann skemmtilegt, er stórkostlegt. Ég læt það fylgja hér með:

 „Nei, ég held það sé leiðinlegt fyrst, fyrir allan þorra manna. Við sofnum burt héðan frá hákarli, hangikjöti, koníakssnafs og uppáferðum og vöknum í ókennilegum heimi, sem hefur ekki neitt af þessu að neinu gagni.  Þetta er svona svipað eins og að flytjast úr Suðursveit norður í Angmagssalik.  En svo held ég nú birti yfir þessu smátt og smátt, það verður meiri og meiri fegurð í kringum okkur, hákarlinn og hangikjötið gleymast, uppáferðirnar breytast í kynlausar ástaryfirhellingar og það verður sennilega mikið af sinfóníum, passakalíum, óperettum, rapsódíum og varíasjónum.  Þá fer ég að hitta Árna prófast Þórarinsson“ (Matthías Johannessen (1989) Í kompaníi við Þórberg, Reykjavík: Almenna bókafélagið, bls 32)

 

Dagbækurnar hans ÞÞ

Þórbergssetur í Suðursveit

Athugasemdir

[www.zordis.com, 3.7.2007 kl. 18:28]

Mest um vert ad saetta sig vid hlutskipti lífs og dauda!  Vissulega flottur kappinn ......

[Katrín Snæhólm Baldursdóttir, 3.7.2007 kl. 19:43]

 Alveg stórkostlegur þessi maður....þarf við tækifæri að sýna skúlptúrinn sem ég gerði af honum algerlega óafvitandi og með lokuð augun...það var svolítið skrítin og skondin saga.

[Guðný Anna Arnþórsdóttir, 3.7.2007 kl. 20:57]

Já, þann skúlptúr vildi ég sko sjá. Hann hefur af strák sínum gert þetta í gegnum þig....hehehe. Trúi reyndar ekki á svoleiðis, NB.

[Steinunn Helga Sigurðardóttir, 5.7.2007 kl. 14:16]

flottur !!

hef ekki lesið hann í mörg ár, á samt einhverjar bækur eftir hann. ætla að glugga í þær í fríinu sem ég er í.

Ljós til þín

steina