Andsælis

Sólin skín stanslaus

ég bara bíð eftir því

 að það komi haust -

sagði við mig góð vinkona mín í dag.  Kemur á daginn að hún kveðst þjást af sumarsólstöðuþunglyndi en viti ekki hvað skammdegisþunglyndi er. Þessi sama kona kveðst elda íslenska feita kjötsúpu þegar sól er sem hæst á lofti, en búa til exótísk sallöt í skammdeginu. Um verslunarmannahelgina þegar allir eru eins og landafjendur út um allar koppagrundir, sest hún á kaffihús í Reykjavík og fær sér kaffi og rjómatertu.

Er ekki mannfólkið margslungið ?

Athugasemdir

[Hrönn Sigurðardóttir, 26.6.2007 kl. 23:32]

spurning hvort við erum eitthvað skyldar - ég og þessi vinkona þín?

[Hrönn Sigurðardóttir, 26.6.2007 kl. 23:32]

held ég sé haldin svona birtutengdu þunglyndi - nema þetta sé rauðvínsleysi?

[Jens Sigurjónsson, 26.6.2007 kl. 23:46]

Pottþétt rauðvínsleysi.

[www.zordis.com, 27.6.2007 kl. 07:29]

Sennilega raudvínsleysi .... hehe  Mannfólkid er yndislega flókid stundum og zar er ég ekki undanskilin

[Guðríður Hrefna Haraldsdóttir, 27.6.2007 kl. 18:19]

Mér finnst bæði vera æði ... heheheh! Veturinn er svo sjarmerandi líka! 

[Guðný Anna Arnþórsdóttir, 27.6.2007 kl. 21:12]

Nákvæmlega....! Ég sækist eftir félagsskap þessarar vinkonu minnar.

[Steingerður Steinarsdóttir, 28.6.2007 kl. 09:48]

Ég hlýt að þjást af eilífðarþunglyndi því ég er alltaf til í að setjast á kaffíhús og fá mér rjómatertu.

[Guðný Anna Arnþórsdóttir, 28.6.2007 kl. 22:13]

Kjötsúpa í forrétt og aðalrétt, rauðvín með, terta og kaffi í eftirrétt, bæði í júlí og nóvember, gott ef ekki líka í apríl og október.... ásamt frískum félagsskap, - getur ekki klikkað.  Tertur eru mjög góðar við þunglyndi, Steingerður!

[Fanney Björg Karlsdóttir, 28.6.2007 kl. 22:39]

... er sko algjörlega sammála þessu með terturnar og þunglyndið enda er hér talað af mikilli reynslu..... ég et svo mikið af allskonar tertum og gúmmelaði að það jaðrar við guðspjall en viti menn ég er líka svoooo anti þunglynd að það jaðrar við léttlyndi....

[Doddi - Þorsteinn G. Jónsson (IP-tala skráð) 29.6.2007 kl. 00:35]

Mannfólkið er yndislegt, mannlífið er yndislega fjölbreytt. Rauðvín með mat er náttúrlega bara klassi, og eitt glas á dag kemur öllu öðru í lag!!! 

Knús og kveðjur!

[Steinunn Helga Sigurðardóttir, 29.6.2007 kl. 07:01]

kæra guðný mín! jú mannkyn er frábært !

Gleðilegt sumar, megir þú eiga fallegasta og besta sumarið !

Ljós til þín

Steina

[Katrín Snæhólm Baldursdóttir, 30.6.2007 kl. 09:21]

Ég hef ekki borðað tertur í mörg ár og kýs frekar brauð með osti. Reyndar hellist yfir mig svona gúmmelaðihnallþórulöngun einstaka sinnum en ég lækna það þá bara með gulrótarköku.Rauðvín er heilsudropi bæði fyrir likama og sál og besti vinahristari ever.