Ofnbakaðar rauðspretturúllur með Camenbert og sperglum

• Ca.800 g rauðspretta (flökuð, roðflétt og beinhreinsuð) biðjð fisksalann um að gera þetta fyrir ykkur.
• 8 ferskir sperglar  
• 8 sneiðar Camenbert (ca. 250 g)
• 1 msk sítrónusafi
• 1 hvítlauksrif (gróft saxað)
• 1/3 laukur (gróft saxaður)
• Estragon eða annað gott kryddi eins og timian, rósmarín eða dill
• 1 dl hvítvín (má sleppa, en þá þarf vatn í staðinn)
• Salt og pipar

Byrjið á því að sjóða spergilinn í söltu vatni í ca. 2 mín og setjið hann síðan í kalt vatn og þerrið loks á pappír. Leggið rauðsprettuna á bretti með roðhliðina upp og rétt sláið á flakið þannig að það fletjist aðeins út. Stráið salti og pipar yfir, setjið einn spergil ásamt einni sneið af camenbert ofaná flakið og rúllið upp í snyrtilega rúllu. Leggið rúllurnar í eldfast mót og hellið hvítvíninu eða vatninu yfir, ásamt hvítlauknum, lauknum, sítrónusafanum og kryddjurtunum. Saltið og piprið yfir rúllurnar og setjið álpappír yfir formið. Bakið inní 200°C heitum ofni í ca. 20 mínútur.

Athugasemdir

[Kolbrún Jónsdóttir, 25.6.2007 kl. 23:08]

Hljómar mjög vel.... má nota aðra gerð af fiski?

[Fanney Björg Karlsdóttir, 26.6.2007 kl. 00:14]

úlala.... þá er búið að redda morgundeginum....allavega þeirri óumflyjanlegu "hvað ætti ég að hafa í matinn"... hugsun.... takk fyrir það kæra vinkona....

[Hrönn Sigurðardóttir, 26.6.2007 kl. 10:29]

[www.zordis.com, 26.6.2007 kl. 15:45]

Girnilegt og ég er fegin ad hafa fengid mér tekex fyrir zessa faerslu!  Jy hvad zetta hlýtur ad vera yndislegt ......

[Jens Sigurjónsson, 26.6.2007 kl. 16:13]

þetta er girnilegt, takk fyrir þetta, það er best að prufa.

[Guðríður Hrefna Haraldsdóttir, 26.6.2007 kl. 16:18]

Slurp, nammmm, þetta þarf ég að prófa. Hin nýja Gurrí ætlar að læra að elda, enginn lifir á kökum einum saman (ég er sko betri í kökum en mat). Knús yfir hafið.

[Ásgeir Rúnar Helgason, 26.6.2007 kl. 17:44]

Takk fyrir Þetta!

Muni, yngri sonurinn, fer til Íslands á morgun til að vinna hjá Fylgifiskum. Hann ætlar að verða kokkur og veitingamaður þegar hann verður stór. Muni var að klára grunnskóla og ætlar í menntaskóla sem sérhæfir sig í veitingarekstri og túrisma.

Hugi bróðir hans er hinsvegar með hausinn útí geimnum, nýútskrifaður með stúdentspróf frá "geimvísinda-menntaskóla".

Hugi (-nn) og Muni (-nn) eru jú tveir ólíkir hrafnar!

[Guðný Anna Arnþórsdóttir, 26.6.2007 kl. 22:00]

Ég hef ekki prufað að nota annað en rauðsprettu í þetta, en án efa má vefja annan fisk svona í rúllur. Þetta bragðsambland flatfisks, Camenbert og spergils er himneskt!

Kökufíkn er stórlega undirmetin, Gurrí mín. Þetta er sko alvörufíkn. Fiskát er eitt af því sem vinnur á móti henni. Hér talar kona með reynslu. 

Þetta eru feykilega flott nöfn á drengjunum þínum, Ásgeir. Gef mig á tal við drenginn ef ég fer i Fylgifiska (sem ég geri með reglulegu millibili)...

Miðsumarsnæturkveðjur, hlýjar og bjartar, til ykkar allra!