Enn um konur

Það var nú ekki berfættur sveittur strákur að sveifla lakkríksreimum við hliðina á mér á heimleiðinni. Nei, prúðasta kona af öllum prúðum slíkum. Var ein af tvennum hjónum sem auðsjáanlega vorum á leið úr sólinni. Brún og pen, slétt og snyrtileg, fólk sem á sumarbústað(i). Þetta var svona kona sem bakar brauð á meðan hún steikir kjötið og brúnar kartöflurnar með straujaða svuntu -  og brýtur saman síðasta þvottinn í leiðinni. Fer aldrei úr vinnunni fyrr en á slaginu og hefur heklaða dúka undir kertastjökunum á borðstofuskenknum, sem er á bak við borðstofuborðið í borðstofunni. Kona sem hefur heklað klósetturúlluhengi á baðinu og kross yfir rúminu. Kona ríms og rytma.

Athugasemdir

[Margrét St Hafsteinsdóttir, 17.6.2007 kl. 12:53]

Svona konur eins og þú ert að lýsa eru húsmæður af list, en sú listgrein hefur ekki verið hátt skrifuð. Annars.........

Gleðilegan þjóðhátíðardag

[Hrönn Sigurðardóttir, 19.6.2007 kl. 14:24]

Til hamingju með daginn mikla kona - og ég er ekki að segja að þú sért feit.....

 

[Hannes Heimir Friðbjörnsson, 19.6.2007 kl. 15:11]

Til hamingju með daginn frænka, hef samt alltaf verið hrifnari af sunnudögum.

[www.zordis.com, 19.6.2007 kl. 21:44]

Zessi kona er konan sem marga dreymir um .... Gaeti verid ég á gódum degi!  Fínn ferdafélagi allavega .... thi hi hi

[Guðný Anna Arnþórsdóttir, 19.6.2007 kl. 22:19]

Takk elskurnar mínar allar! Já, húsmæður, bara að þær væru ekki að deyja út....

Sunnudagar eru hræðilegir. Kannski ekki þegar maður er ungur með vonir og gleði á fullu.....