Tré

Til að kóróna sjálfhverfuna, mærðina og naflaskoðunina á þessari guðsvoluðu síðu, ætla ég að birta hér svar vinkonu minnar, þegar ég spurði hana hvaða trjátegund hún héldi að ég væri:

"...Ætli þú sért ekki bara íslenskt birki, vegna þess að það er harðgert, aðlagar sig aðstæðum, sáir sér sjálft (sem hjálpar til að vernda landið/jarðveginn), er einstaklega gott sem krydd......og ég segi nú bara hvernig mynd hefðum við af Íslandi ef að ekki væri neitt birki.......frekar berangurslegt......og sennilega hefðu landnámsmenninrnir bara silgt framhjá ef ekki væri fyrir birkið..."

Ég vona að vinkona mín fyrirgefi mér, þó ég birti þetta!

Athugasemdir

[Hrönn Sigurðardóttir, 30.5.2007 kl. 19:18]

 get alveg trúað því

[Guðný Anna Arnþórsdóttir, 30.5.2007 kl. 23:10]

Já, ég er allavega harðger og aðlaga mig aðstæðum....

[Katrín Snæhólm Baldursdóttir, 31.5.2007 kl. 01:36]

Hmmm..ég held að þú sért njóli. Svona fegurðarjurt sem má reykja. Alltaf til gagns.

Nei án gríns ertu jurtategund sem enn er óþekkt á landinu kalda...hlýjar og vermir á sinn einstaka hátt og ert djúprótaðri en flestir.

[Hrönn Sigurðardóttir, 31.5.2007 kl. 09:09]

sniðugt! Hvaða jurt væri ég?

[Guðný Anna Arnþórsdóttir, 31.5.2007 kl. 21:28]

Katrín mín, þessi skoðun þín tengist því alfarið að þú þekkir mig ekki eins og ég er inní mergnum....En takk, ljós. Hrönn, ég hugsa að - í trjáplöntuskilningi - sértu pílviður. Í víðari plöntuskilningi, páskakaktus sem blómstrar allt árið.