Kona með konum

Sagði við mig kona sem er 65 ára og hefur aldrei fallið verk úr hendi: Og mun halda áfram sínu góðu verkum: Hvað  er það að konur segja að konur séu konum verstar? Hverskonar dómadagsvitleysa er þetta? Ég hefði aldrei getað gert allt mitt án fulltingis kvenna. Og bara kvenna. Þær hjálpa mér með texta. Þær hjápa mér þegar ég verð andlaus. Þær baka handa mér pönnukökur með himneskum ilm og bragði þegar andagiftina vantar. Og týna handa mér rósir og önnur blóm þegar ég þarf á fagurfræði að halda. Þær halda mér villt partý þegar ég þarf að rasa út. Þær mæla með mér í stöður. Þær hressa mig við þegar mér finnst ég verða höll af heimi. Allt þetta gera þær og  - meira til. Þeir sem halda svona fram, hafa bara ekki lifað. Ég segi það satt og viltu nú skrifa þetta á síðuna þína, og hananú, amen krossmen. En ekki segja hver ég er.  I keep my promise, but never, never say that again. Og kem ég þessu hér með á framfæri með fullri virðingu og vinsemd.

 

Athugasemdir

[www.zordis.com, 23.5.2007 kl. 05:36]

Konur eru frábærar og að sjálfsögðu er ég sammála hverju orði hér að ofan!  Góð og falleg jákvæð orka

[Hrönn Sigurðardóttir, 23.5.2007 kl. 08:19]

Frasi, fundinn upp af karlmönnum...........

...svo mælti feministabeljan

[Steinunn Helga Sigurðardóttir, 23.5.2007 kl. 14:48]

konur eru frábærar, en mér finnst menn líka frábærir, þeir eru bara stundum öðruvísi !

fallegar myndirnar og gott blogg.

Ljós til þín frá mér

steina

[Guðríður Hrefna Haraldsdóttir, 23.5.2007 kl. 15:38]

Sagði um daginn á síðunni hennar Jennýjar að þetta "Konur eru konum verstar" hefði verið fundið upp til að reka fleyg á milli kvenna. Þetta hefur verið reynt, m.a. í launabaráttu kvenna, launastríðið hefur breyst í "af hverju eru ÞÆR með hærri laun en við?" og aðalatriðið hefur kannski gleymst. Minnir að það hafi verið reynt að siga sjúkraliðum á hjúkkur fyrir ansi mörgum árum. Man ekki hvort það tókst. 

Konur eru konum bestar! Svo er auðvitað til fólk sem er bara leiðinlegt og vont við alla! Bæði karlar og konur.

[Katrín Snæhólm Baldursdóttir, 24.5.2007 kl. 08:09]

Fólk er frábært..sumt frábærara en annað og sumir hryllilega ömurlega innréttaðir.

Hefur ekkert með kyn að gera...ég á bæði frábærar vinkonur og líka frábæra vini..konur og kalla.

[Steingerður Steinarsdóttir, 24.5.2007 kl. 15:31]

Sammála. Ég þoli ekki þessa fullyrðingu. Ég veit ekki hvar ég væri án allra kvennanna í lífi mínu.