Verzló

Sunnudagur, 20.5.2007

Sko: Var að koma af x ára afmæli úr Versló og það var alveg öldungis geggjæðislega gaman. Gott að sjá og hitta þetta góða fólk og þeirra ágætu maka. Gaman að drekka freyðivín og skála við svoooo marga úr M-bekknum -- og fleiri -- hjá Sigurveigu og Gunna en í þeim bekkjum hefur aldrei á sama tíma verið annað eins mannval saman komið. Eins og dæmin sanna. Og við erum meðvituð um. Útsýnið úr kokkteil-salnum, á Esjuna eins og guð skapaði hana, var eins og best verður á kosið. Guðminnsgóður. Maturinn í Gullhömrum var með dæmalausum ágætum. Ég var með Kristinn til vinstri og Mása til hægri, - og Dísu á móti. Það verður öngvan veginn betra. Og dansinn sem dunaði eftir matinn var líka með ágætum, einkum þegar við Dísa - og seinna Ásgeir - lögðum dansgólf að fótum okkar. Hinsvegar var ég ekki jafnhrifin þegar Mási Steinsen stakk mig af á leiðinni á gólfið. En það er önnur saga og verður síðar sögð og hennar hefnt, ekki til betrumbætingar fyrir Mása. Sá á von á góðu. Hitti og knúsaði Valdimar Hergeirs , Baldur og Þórunni Fel. In all, frábært kvöld. Takk, allir. Þið eruð æði. En mikið voðalega óskaplega og með eindæmum er vondur stíll á þessari frásögn. Ég held að Þórbergur hefði kallað þetta lágmenningarstellingar.

Flokkur: Bloggar | Facebook

Athugasemdir

Gott að kvöldið reyndist ánægjulegt að undaskildinni afstungu félaga þíns ...... Það er ekki alslæmt að kasta sér í lámenningarstellingar

www.zordis.com, 20.5.2007 kl. 07:07

Elsku vinkona. Þú hefur aldeilis ,,verið með á nótunum" og hér er af nógu að taka sé ég sem betur fer. Ég hef eiginlega ,,legið niðri", bæði í eiginlegri og óeiginlegri merkingu. Kom mér samt á yndislega tónleika hjá títtnefndum Goran og listasveit hans í gærkvöldi en hef sofið með háan hita í nokkra klukkutíma í dag. Verð náttúrlega hress á morgun. Fallegar kveðjur yfir.

Unnur Sólrún (IP-tala skráð) 20.5.2007 kl. 19:51

Það er alltaf svo gaman á svona reunion..... Man síðast þegar minn bekkur hittist. Allir áttu að koma upp og segja hvað þeir væru í dag. Þegar 30 manns voru búnir að koma upp og þylja hvað þeir störfuðu hamingjusamlega í "dag" var komið að mér.

Ég skundaði upp að "töflu" og sagðist vera fegurðardrotting, hafa áhuga á ferðalögum og börnum.......

Sló í gegn

Hrönn Sigurðardóttir, 20.5.2007 kl. 21:54

Ég komst ekki á 15 ára re-union okkar Verzlinga í fyrra ... ég stefni á 20 ára Kveðjur til þín dúllan mín að norðan!

Doddi - Þorsteinn G. Jónsson (IP-tala skráð) 21.5.2007 kl. 01:14

Lágmenningarstellingar sagði hann og svo líka minntist hann á stílinn "lágkúru". Í það hélt ég að ég dytti aldrei, en svona er lífið óútreiknanlegt....Elsku Unnur mín Sólrún, láttu þér batna og flenzuna sjatna (ég kemst ekki út úr lágkúrunni...)....Hrönn, mikið assgoti var þetta gott hjá þér. .....Doddi heimur, ekki vissi ég að þú værir úr Verzló. Það hlaut auðvitað eitthvað að vera!