Kjarni & hismi

 Lifandis ósköp er gott að sitja á kaffihúsi með vinkonu sem maður hefur þekkt frá því fyrir meðvitund – og hlæja, hryggjast, skiptast á skoðunum, minnast, fá botn í tilveruna. Eins og ég hef alltaf sagt og skil aldrei, að hún Unnur Sólrún sé ekki orðin heimsfræg fyrir löngu, þá skil ég heldur ekki af hverju ég hef ekki verið beðin um álit á tilgangi lífsins. Ég er með svo ansi patent svör í þeim efnum.Semsé: Dagurinn var Unnur Sólrún. Og hvílíkur dagur.

Dagurin var líka sól á Laugavegi og sjófuglagarg á voginum, vinna á stofunni og síðdegisblundur.

Kvöldið er Hidda og sólarafgangur á svölunum. To be.

Hverjum sagði ég að ég væri sérleg áhugamanneskja um innivist, svalalegur og gönguferðir útá bílastæði? Minnið er ekki mín megin, so much is true. En lífsgæðaásóknin (sbr áðurnefnt) er það. Og þá meina ég ekki peninga, frægð og völd. Eiginlega er mér nákvæmlega og slétt skítsama um þá þrenningu. Lífsgæðin eru svalir, sól, bók, kaffi og vinkonur. Vinkonur.

Athugasemdir

[Unnur Sólrún (IP-tala skráð) 28.4.2007 kl. 20:01]

My holy!  Ég held bara að ég rjóði herbergið.  Hvílíkur dagur, hvílík nærvera, hvílík ,,sálarsamruni". Já.  Vinátta.  Það er málið, það eru gullpeningarnir sem bankarnir geta aldrei lánað, það eru setningar sem alltaf eru ferskar, frjóar en raðað á einhvern óskiljanlega yndislegan hátt.

Takk fyrir þennan yndislega dag og njóttu svalanna niður á næstu hæð og upp á þá efstu og BARA njóttu kvöldsins með öllu því skemmtilega og yndislega sem þú þar finnur.  Þín vinkona út í bláasta bláið.

[SigrúnSveitó, 28.4.2007 kl. 23:03]

Já, það jafnast fátt á við góðar vinkonur og gott kaffi

[Hrönn Sigurðardóttir, 28.4.2007 kl. 23:17]

Já það er fátt sem jafnast á við góðar vinkonur og góð systkini

[Guðríður Hrefna Haraldsdóttir, 28.4.2007 kl. 23:44]

Hmmm, þú sagðir mér það ... við erum andlegir tvíburar á þessu sviði! Báðar harðar áhugakonur um innivist!

[www.zordis.com, 29.4.2007 kl. 07:10]

Ég er áhugakona um að vera heima ... gildir það?  Reyni samt að vera mikið úti, á fáa vini sem fara fækkandi þannnnnnnnig að fjölskyldan er minn besti júnó!

[Heiða Þórðar, 29.4.2007 kl. 19:39]

Eins og talað frá mínu hjarta; á svalir, kaffi, bækur og vinkonur (m/sól í hjarta); Hamingja mín er fullkomin

[Katrín Snæhólm Baldursdóttir, 29.4.2007 kl. 19:45]

Engar svalir hér..útiveran yndisleg og vinkonur lífæðar. Fáár en góðar. Og systur . Algert must!!!  Sálarsamrunar eru svo engu líkir.

[Steingerður Steinarsdóttir, 30.4.2007 kl. 15:38]

Góð vinkona er einstakt hressingarlyf.

[Ingibjörg Hallgrímsdóttir (IP-tala skráð) 1.5.2007 kl. 17:46]

Elskurnar mínar. Þvílíkt flug. Hvar er jarðtengingin sem flestir austfirðingar eru múlbundnir með. "Sálarsamruni" og sólarafgangur"!!! Annars er voða gaman að lesa hugsanir ykkar. Vildi svo gjarnan vera nær ykkur!! Bestu kveðjur og takk fyrir síðast...

Ingibjörg Hallgrímsd