X-ið

Föstudagur, 2.3.2007

Hey, hey, hey, hvað er að gerast í X-factor? Bara grátið yfir úrslitum? Þetta var svo skrýtin stund, að ég er enn dolfallin. Hins vegar voru úrslitin auðvitað gersamlega óskiljanleg. Allan var einn af þeim albestu og aldeilis mun betri en t.d. Gylfi og Inga, með allri virðingu fyrir þeim. Ég held að spennan sem hefur magnazt upp á milli dómaranna hafi verið að skila sér í þessum ýktu tilfinningaviðbrögðum. Þetta liða-fyrirkomulag er ekki mjög vænlegt og verður því vonandi hætt. Fólk þarf að hafa mikinn félagsþroska til að ráða við það. Nú er ég farin að hljóma eins og sunnudagaskólakennari og þá er mál að hætta og taka til við aðra iðju en skriftir.

Flokkur: Bloggar | Facebook

Athugasemdir

samála þér!

Adda bloggar, 2.3.2007 kl. 23:26

Er þetta ekki makalaust?

Guðný Anna Arnþórsdóttir, 2.3.2007 kl. 23:48

Þátturinn er eftir bresku fyrirmyndinni og má engu breyta þar!

Svakalega var þetta skrýtinn þáttur og fúlt að Hara og Alan hafi lent neðst! Ég held að elskan hún Inga haldist inni út af puttanum (sem hún missti) og kannski aldrinum (fáránleg rök, þetta er leit að X-Factor), hún var síst keppenda í kvöld, að flestra mati hér í bloggheimum. Mér datt ekki í hug að kjósa Hara, ég vissi að þær yrðu efstar eða ofarlega ... svona getur manni nú skjátlast!

Guðríður Hrefna Haraldsdóttir, 3.3.2007 kl. 00:20

Er þetta X-factor ekki bara farið að snúast upp í keppni á milli dómaranna, hver er andstyggilegastur þ.e.a.s. Játa reyndar að ég horfi ekki á þetta, en fylgist með umræðu, skrifum og bloggi. Miðað við það finnst mér þetta lítið hafa orðið með keppendurna að gera lengur.

Sigríður Jósefsdóttir, 3.3.2007 kl. 09:55

Já, eins og ég segi, þetta dómaraliða-fyrirkomulag er ekki sniðugt. Er þetta líka svona í úttttlöndum? Sorgleg þróun. Já, puttinn hafði áhrif þarna, það er ekki spurning! Svona getur nú lífið verið skondið og stundum skemmtilegt, en stundum sorglegt.