Nótt og dag

Nóttin færist yfir eftir dag sem var fullur af fundum, tali, augum, kaffi, samræðulist, fyndni, krakkakjái, tilfinningum, tölvuskjá, skóáburði, Coco Chanel, tertu með smjörpappír og karamellu, vinaspjalli, minningum, gamalli teikningu sem rak á fjörur, samtali við dóttur, samtali við son, bensínskemmtiferð á bensínstöð, Hótelsurfi um Bostonvef, naglalakki og kaffi. Semsé meira kaffi.  Nóttin hefur færst yfir. Ég verð ein með nóttinni. Á morgun kemur nýr dagur sem verður fullur af öllu mögulega, sumu sumu og öðru öðru.  

Athugasemdir

[Jón Steinar Ragnarsson, 21.2.2007 kl. 00:53]

Lífið er sama örskotsaugnablik, spilað á misjöfnum hraða.

[www.zordis.com, 21.2.2007 kl. 08:07]

Heill dagur framundan sem líður eins og dögg fyrir sólu, sem nærir sálina og markar sporin.  Heill dagur af vináttu, baráttu og kaffidrykkju.  Heill dagur sem sem skapar eilífðina og endalokin þegar nær dregur!  Ég ætla að eiga góðann dag í háhæluðum skóm, kaupa appelsínuvél, og valhoppa með litlu stelpunni sem hvílir í hjartastað!  Dásamlegur dagur eins og þú

[Guðríður Hrefna Haraldsdóttir, 21.2.2007 kl. 16:55]

Það er svo mikil stemmning að kíkja á bloggið þitt! Maður dettur niður í gamlar minningar, fer næstum að finna lykt úr fortíðinni með minningabrotunum ...

[Guðný Anna Arnþórsdóttir, 21.2.2007 kl. 20:34]

Jemundur, Gúrrí mín, er ég bara melankólísk kella sem veltir sér uppúr minningum??? Takk fyrir frábær komment öllsömul!

[Greta Björg Úlfsdóttir, 21.2.2007 kl. 22:29]

Mér dettur bara ekkert í hug að segja og er bara sybbin eftir daginn, sef allar nætur eins og klettur í hafi eða selur á klöpp Takk fyrir að vera bloggvinur minn

[Guðný Anna Arnþórsdóttir, 22.2.2007 kl. 22:00]

Já, bloggvinir setja svo sannarlega svip sinn á daginn! Verst að komast aldrei í samband við þá fyrr en seint á kvöldin! Takk, stelpur & strákar!