Glimps

Ég man laugardaga þegar pabbi var að spúla gluggana í Pöntun. Og Agnes kom að fá mig út í "yfir" og ég sagði nei, ég þarf að hjálpa pabba með gluggana. Og mamma var að gera hjónabandssælu fyrir Ragnar því hann var að vinna laugardagsskrifstofuvinnu. Ég man gargið í mávunum og lyktina úr bræðslunni. Ég man Gunnar á Hól spígspora eftir götunni með hjólbörurnar. Og ég man að Hlíf var að spila Nínu og Friðrik á fóninn í stofunni og mér fannst það um það bil það flottasta sem ég hafði nokkru sinni heyrt.

Athugasemdir

[www.zordis.com, 19.2.2007 kl. 09:36]

Æskuminningarnar ...  Ég man líka bræðslulyktina að austan, brakið í trégólfinu og þegar við vorum að dorga niður á bryggju ......

[Guðný Anna Arnþórsdóttir, 19.2.2007 kl. 18:32]

Ója, seggðu nú bara. Fékkstu ekki massadóna í dorginu? Og manstu sérstöku bræðslulyktina þegar hafði verið þoka, rakt og stillt?

[www.zordis.com, 20.2.2007 kl. 08:31]

Veiðkona í eðlinu ..... man eftir lyktinni af bræðslufötnunum hans pabba ...  Algjört hroð fyrir lyktargáttirnar ..........  Mig langar að verða lítil aftur, sprikla með lækjarsprænunni við húsið hennar Oddnýjar frænku .... taka upp bullur með rekunni hans Sigga frænda ......  en, svo er maður þakklátur fyrir þetta allt því án þess væri maður ekki hér, eða hvað?

[Guðný Anna Arnþórsdóttir, 20.2.2007 kl. 20:32]

 akkútat!