Ekki-fréttir

   Það er kannski til lítils að vera á Moggabloggi þegar maður nennir öngvan veginn að blogga um fréttir dagsins. Það er nóg skrifað, skrafað og skeggrætt. Nýja stefið á Gufunni, evra eða króna, Breiðavík, ofbeldi, geggjaðir geimfarar og kona sem tók vitlausan strætó. Það er ýmislegt annað milli himins og jarðar, t.d. birtan yfir flóanum um daginn. Það ku vera fallegt í Kína en það getur ekki jafnast á við fallegustu dagana í Reykjavík.