Saga úr reykvískum sunnudegi

Kona situr í sætu sunnudagslegu sakleysi rétt innan við gluggann á Eymundssson á Skólvörðustíg. Hún stundar uppáhaldsiðju sína, drekka kaffi og lesa áfergjulega helgarblöðin - og borða feita kleinu.
Hún veit ekki fyrr til en að henni vindur sér maður með blaðsnepil í hendi og hendir örsnöggt á borðið hennar. Hún er eitthvað týnd í heiminum, því hún registrerar atburðinn ekki á sálarprikið um leið og hann gerist.
Þegar hún áttar sig, lítur hún á snepilinn. Þar stendur sisona:

" Les við gluggann,

brott rekur skuggann,

sólskin í hennar heiði,

hamingjan hana leiði."

Maðurinn var á bak og burt.
Konan vill koma á framfæri þökkum til þessa velviljaða manns.

Athugasemdir

[Hrönn Sigurðardóttir, 29.7.2010 kl. 20:04]

En sætt af honum. .....og svo satt :)

[Erla (IP-tala skráð) 12.8.2010 kl. 11:38]

En fallegt og skemmtilegt ad thessi madur skyldi yrkja til thin ljod. Eiginlega bara dalitid romantiskt.

Thad eru svona uppakomur sem gledja hjartad.

koss til thin.

Erla